Pry ŭmovie, što arhanizacyja Anžaliki Arechva «aformić usie dakumienty pravilna».
Kiraŭnik Biełarusi, Alaksandr Łukašenka, zajaviŭ, što bačyć realnaj mahčymaść rehistracyi Sajuza palakaŭ Biełarusi pad kiraŭnictvam Anžaliki Arechva.Ab hetym jon vykazaŭsia padčas sustrečy z žurnalistami viadučych polskich ŚMI.
Słovy Łukašenki padaje «Žečpaspolita». Pavodle vydańnia, Łukašenka asabista chacieŭ by, kab isnavaŭ adzin Sajuz palakaŭ Biełarusi, adnak kiraŭnik krainy nie vyklučaje, što kali arhanizacyja pad kiraŭnictvam Anžaliki Arechva padaść dakumienty na rehistracyju, to moža atrymać stanoŭčy adkaz.
Razam z tym, Łukašenka padčas sustrečy z polskimi žurnalistami niehatyŭna vykazaŭsia ab raniejšaj kiraŭnicy niepryznanaha SPB — Anžalicy Borys. Prezident źvinavaciŭ jaje ŭ «palityčnych ambicyjach».
Vykanaŭca abaviazkaŭ kiraŭnicy niezaležnaha SPB Anžalika Arechva paviedamiła «NN», što mahčymaść padać dakumienty na rehistracyju budzie razhledžana na admysłovym pasiedžańni Sajuza.
«My razhladajem takuju mahčymaść. Praź niekatory čas na Radzie našaj arhanizacyi budzie vyrašana, što rabić dalej, ci padavać dakumienty», — zaznačyła spadarynia Anžalika.Jana taksama padkreśliła, što hałoŭnym pryncypam isnavańnia SPB zastaniecca jaho niezaležnaść i mahčymaść samastojna farmiravać orhany kiravańnia.
Akramia hetaha, Łukašenka paabiacaŭ asabista parazmaŭlać z kiraŭnikom biełaruskaha KDB ab mahčymaści adkryćcia dla polskich daśledčykaŭ śpiecarchivaŭ. Palakaŭ pieradusim cikavić tak zvany «Biełaruski katynski śpis» — infarmacyja ab polskich aficerach, rasstralanych na terytoryi Biełarusi ŭ 1939–1940 hadach.
Sajuz palakaŭ Biełarusi byŭ stvorany ŭ 1990 hodzie. U 2005 hodzie, paśla taho, jak na pasadu staršyni arhanizacyi była abranaja Anžalika Borys, va ŭnutranyja spravy SPB pačali aktyŭna ŭmiešvacca biełaruskija ŭłady. U vyniku schod, na jakim była abranaja Borys, pryznali niepravamocnym, a pa pasadu kiraŭnika SPB pry aktyŭnym udziele biełaruskich śpiecsłužbaŭ byŭ abrany Juzaf Łučnik.
Prychilnikaŭ Borys heta nie zadavoliła i ad 2005 hodu faktyčna isnujuć dva Sajuzy palakaŭ Biełarusi — aficyjny, jaki padtrymlivajuć biełaruskija ŭłady, i nieaficyjny — katory pryznaje Varšava.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary