Dla hetaha moža być praviedzieny refierendum.
Dla hetaha moža być praviedzieny refierendum.
A voś palityka dyktatury va ŭmovach Biełarusi, na jahonuju dumku, absalutna niemahčymaja. Takoje mierkavańnie jon vykazaŭ u intervju najbujniejšym ŚMI Hiermanii.
Łukašenka adznačyŭ, što dziela taho kab pravodzić palityku dyktatury nieabchodna vałodać resursami, jakich u Biełarusi niama. «U nas niama takoha resursu, i ŭ mianie, kab być dyktataram», — skazaŭ kiraŭnik biełaruskaj dziaržavy.
«A
Ja nikoli nie byŭ dyktataram i nikoli im nie budu, bo ja im nie naradziŭsia. Heta treba naradzicca dyktataram.
Ja nikoli nie parušu harmoniju našaha hramadstva. I ja nikoli nie pajdu nasupierak žadańniam našaha hramadstva!
A ŭ charaktary našaha naroda nikoli nie było takoj rysy, jak imknieńnie da dyktatury ci pasadzić na tron dyktatara. Nikoli!»,
— padkreśliŭ Alaksandr Łukašenka.
«Siońnia takim resursam, kab być dyktaturaj u suśvietnym maštabie, vałodaje tolki adna kraina — Złučanyja Štaty Amieryki, jany i pravodzić palityku dyktatury.
Zachacieli — raźviazali vajnu ŭ Iraku, zachacieli — bambujuć Afhanistan
(jašče raniej — Vjetnam i hetak dalej, i tamu padobnaje). I nichto nie kaža, što tam dyktatura. Tak dzie ž niamieckija demakratyčnyja žurnalisty?
A voś Łukašenka — heta dyktatura», — adznačyŭ biełaruski lidar.
Jon taksama dadaŭ, što jamu vielmi prosta razmaŭlać na hetuju temu ź niemcami, bo ŭ svoj čas hetaja kraina niepasredna sutyknułasia z palitykaj dyktatury.
«Vyvad adzin: dyktatura — heta škoda dla luboha hramadstva.
I rana ci pozna jana pryviadzie da krachu hetaha hramadstva i dziaržavy», — skazaŭ biełaruski lider.
Kiraŭnik dziaržavy rastłumačyŭ niemahčymaść poŭnaj admieny śmiarotnaha pakarańnia ŭ Biełarusi.
«Z vašaha punktu hledžańnia my ździejśnili vielmi surjoznuju demakratyčnuju pamyłku ŭ svoj čas, razhledzieŭšy hetaje pytańnie na refierendumie. A ŭ nas rašeńni refierendumu - vyšej za Kanstytucyjny zakon. Tamu, kab hetuju prablemu vyrašyć,
nam treba pravieści refierendum pa admienie taho rašeńnia»,— skazaŭ jon.
Razam z tym Alaksandr Łukašenka adznačyŭ, što nastroj ludziej z tych časoŭ pa hetym pytańni absalutna nie źmianiŭsia,
navat staŭ bolš žorstkim.
Tamu ŭ krainie zaraz pravodzicca sieryja mierapryjemstvaŭ, hramadskija słuchańni z tym, kab «pasprabavać ludziej paviarnuć da hetych jeŭrapiejskich kaštoŭnaściaŭ».
«Ščyra kažučy, nie vielmi atrymali pośpiech, bo hramadskuju dumku nie ŭdałosia pachisnuć i źmianić», — kanstatavaŭ kiraŭnik dziaržavy.
Alaksandr Łukašenka nahadaŭ, što ŭ Biełarusi paralelna ź śmiarotnym pakarańniem isnuje pažyćciovaje źniavoleńnie. Pavodle jaho słoŭ, kali jašče 15 hadoŭ tamu da śmiarotnaha pakarańnia karaŭsia ad 30 da 40 čałaviek u hod, to ciapier — 2–4.
«U asnoŭnym my ŭžyvajem pažyćciovaje źniavoleńnie, nu kali ŭžo nie aburalnaje złačynstva suprać čałaviečnaści», — rastłumačyŭ kiraŭnik dziaržavy.
«Chutčej za ŭsio, u hetaj płaščyni budzie lažać u nas admiena śmiarotnaha pakarańnia, to jość jak alternatyva śmiarotnaha pakarańnia — pažyćciovaje źniavoleńnie. Tamu, mahčyma, my niejak vybudujem palityku, što sudy nie buduć prymianiać hetuju žorstkuju mieru pakarańnia», — zaklučyŭ jon.
Kamientary