Maksim Mirny (9-je miesca ŭ suśvietnym rejtynhu) i Machieš Bchupaci (13) vyjhrali turnir sieryi «Masters» u Paryžy z pryzavym fondam 2,75 młn. jeŭra.
14 listapada ŭ vyrašalnym matčy «pasiejanaja» pad šostym numaram biełaruska-indyjskaja para ź likam 7:5, 7:5 vyjhrała ŭ Marka Noułza z Bahamskich astravoŭ (30) i izrailcianina Endzi Rama (25) — letašniaha partniora Mirnaha.
U paŭfinale Mirny i Bchupaci pieramahli vośmuju paru turniru, Francišaka Čermaka (Čechija, 22) i Michała Miercinaka (Słavakija, 23) — 6:3, 6:3, a Noułz i Ram — lidara suśvietnaha parnaha tenisu, amierykanskich bratoŭ-dvajniat Boba i Sukołka Brajanaŭ — 6:3, 6:7 (5:7), 10:6 (rastavaj-brejk).
Dla 33-letniaha Mirnaha heta pieršy tytuł u ciapierašnim siezonie i 37-y ŭ karjery parnaha hulca (piać finałaŭ u siezonie-2010 i 70 — za karjeru). U 36-hadovaha Bchupaci, jaki praktyčna ŭvieś siezon vystupaje ŭ pary ź biełaruskim tenisistam, paryžski tytuł staŭ 46-m u karjery, a finał — 83-m.
21 listapada hulcy startujuć na vynikovym turniry ŭ Łondanie.
Kamientary