Rasijskija ŚMI praciahvajuć pisać ab pierabiežčykach.
Rasijskija ŚMI praciahvajuć pisać ab pierabiežčykach. Akazvajecca, zdrada — nie adzinkavy fakt u rasijskaj raźviedcy.Supracoŭnikam Słužby zamiežnaj raźviedki RF (SVR), jaki fihuravaŭ raniej u ŚMI jak pałkoŭnik Ščarbakoŭ, što zdaŭ hrupu «rasijskich špijonaŭ» śpieccłužbam ZŠA, źjaŭlajecca były namieśnik načalnika amierykanskaha adździeła ŭpraŭleńnia «Z» pałkoŭnik Paciejeŭ, paviedamlaje «Interfaks» sa spasyłkaj na ŭłasnyja krynicy ŭ siłavych viedamstvach. Imia i inšyja asabistyja dadzienyja supracoŭnika SVR nie pryvodziacca.
Źviestki ahienctva častkova paćviardžajuć pieršapačatkovuju viersiju ab zdradzie rasijskich ahientaŭ, jakija pracavali ŭ ZŠA ŭ miežach prahramy «Nielehały». Tak, Paciejeŭ pakinuŭ Rasiju za niekalki dzion da vykryćcia ahientaŭ u kancy červienia 2010, a niezadoŭha da hetaha ŭ Złučanyja Štaty źjechali jaho syn i dačka. Raniej «Kommiersant'» paviedamlaŭ, što dačka pierabiežčyka daŭno žyła ŭ ZŠA, adnak surazmoŭcy «Interfaksa» śćviardžajuć, što havorka idzie pra žonku pałkoŭnika.
Miarkujučy pa źviestkach ahienctva, nazvanaje ŭ rasśledavańni «Kommiersanta» proźvišča Ščarbakoŭ nie maje dačynieńnia da skandału z vykryćciom ahientaŭ SVR.
Taki raźviedčyk sapraŭdy słužyŭ u SVR i vyjaviŭsia zdradnikam, adnak jon pakinuŭ Rasiju niekalki hadoŭ tamu i nie byŭ źviazany z amierykanskim adździełam, a značyć, nie moh być znajomy z detalami prahramy «Nielehały».
Raniej paviedamlałasia, što syn Ščarbakova, jaki pakinuŭ RF niezadoŭha da baćki, pracavaŭ u FSKN, adnak u słužbie hetyja źviestki abvierhli. A ciapier pradstaŭnik Dziaržnarkakantrolu paćvierdziŭ, što ŭ viedamstvie pracavaŭ syn Paciejeva, ale nie staŭ kamientavać hetyja źviestki.
Rasśledavańnie «Kommiersanta» było apublikavanaje ŭ čaćvier, 11 listapada. Jano datyčyła špijonskaha skandału, jaki pačaŭsia 27 červienia z aryštu 10 čałaviek u ZŠA pa padazreńni ŭ niezakonnych suviaziach z zamiežnaj dziaržavaj. 9 lipienia adbyŭsia ich abmien na čatyroch rasijcaŭ, jakija adbyvali terminy za špijanaž.
Dakładnaść apublikavanaj u haziecie infarmacyi była padvierhnutaja sumnievu ŭ dziaržorhanach i ŚMI. U toj ža čas zhadvałasia viersija, pavodle jakoj proźvišča Ščarbakoŭ źjaŭlajecca psieŭdanimam. Paśla prezident Rasii Dźmitryj Miadźviedzieŭ uskosna paćvierdziŭ vyniki žurnalisckaha rasśledavańnia, kali zajaviŭ, što byŭ znajomy z apublikavanymi źviestkami jašče ŭ toj dzień, kali zatrymali vyviednikaŭ.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary