Eduard Małafiejeŭ pryznačany hałoŭnym trenieram «Pskova-747»

U čaćvier u Pskovie na spravazdačna-vybarnaj kanfierencyi Pskoŭskaj abłasnoj fiederacyi futboła byŭ pradstaŭleny novy hałoŭny trenier «Pskova-747» — Eduard Małafiejeŭ. Viadomy śpiecyjalist prystupić da pracy z kamandaj užo na nastupnym tydni,

kali jana vyjdzie z adpačynku. Na kanfierencyi Małafiejeŭ vystupiŭ pierad prysutnymi ź nievialikaj pramovaj.

«Ja vielmi rady, što znoŭ viarnuŭsia ŭ Pskoŭ. Sa mnohimi tut znajomy. Miesiac tamu mnie pastupiła prapanova ad Alaksieja Sievaśćianava. Ja razvažaŭ, bo prapanoŭ było mała. Mnie prapanoŭvali roznyja varyjanty praciahu pracy ŭ Biełarusi i ŭ Rasii.

Ale ja vyrašyŭ vybrać vaš horad, uspaminajučy, jak u kancy 1990-ch mnie Pskoŭ padstaviŭ plačo.

U hety pieryjad adbyłosia šmat značnych bujnych padziej u maim žyćci. Što tyčycca zadač na siezon, to pieršaje miesca — heta supierzadača. Druhoje, treciaje — vydatna. Treciaje, čaćviortaje — dobra.

A nižej — takich miescaŭ być nie pavinna.

Vynik budzie zaležyć ad taho, nakolki ŭ mianie i ŭsiaho trenierskaha štaba atrymajecca stvaryć kalektyŭ adnadumcaŭ. Kali 70% futbalistaŭ buduć z nami žyć adnoj idejaj, to ja ŭpeŭnieny, my zadačam damo rady», — cytuje Sport-Ekspriess sajt zaŭziataraŭ pskoŭskaha kłuba słovy Małafiejeva.

Kłub «Pskoŭ-747» zasnavany ŭ 2006 h. vystupaje ŭ druhoj rasijskaj lizie, zona «Zachad». U siezonie 2010 finišavaŭ na 11-m miescy.

***

Eduardu Małafiejevu — 68 hadoŭ (naradziŭsia ŭ 1942-m), pryvioŭ minskaje «Dynama» da załatych miedaloŭ čempijanatu SSSR u 1982 h., treniravaŭ zbornuju SSSR, za časami niezaležnaści zbornuju Biełarusi. Futbolny kłub «Pskoŭ» treniravaŭ u 1999–2000, 2002—2004 hh.

24 listapada 2009 hoda uznačaliŭ salihorski «Šachcior». Pierad pačatkam siezona kłubu była pastaŭlena zadača pa vynikach siezona ŭvajści ŭ trojku pryzioraŭ.

Siezon «Šachcior» pačaŭ kiepska, a 26 krasavika 2010 h. Małafiejeŭ byŭ špitalizavany z dyjahnazam «arytmija». Tady kłub zajmaŭ 8-je miesca paśla 5 turaŭ, majučy na rachunku tolki adnu pieramohu.

13 maja 2010 h. padaŭ zajavu ad adstaŭku, i hałoŭnym trenieram aficyjna byŭ pryznačany Uładzimir Žuraviel, jaki vykonvaŭ abaviazki treniera z 26 krasavika. «Šachcior» rezka pajšoŭ uvierch u tablicy i ŭ vyniku finišavaŭ na 2-m miescy.

22 lipienia 2010 h. uznačaliŭ sankt-pieciarburhskaje «Dynama» (aŭtsajdera Pieršaha dyvizijona), ale ŭžo 17 žniŭnia pakinuŭ pasadu, matyvavaŭšy jaho adpuścić z kłuba, bo jon «biaśsilny vyprastać turnirnaje stanovišča z takim składam».

Eduard Małafiejeŭ viadomy svaim niebanalnym staŭleńniem da futboła i i cikavymi pohladami na žyćcio.

• 0
• 0
• 0
• 0
• 0
• 0
• 0
• 0