Radasłaŭ Sikorski: Łukašenka asabista adkazvaje za los usich aryštavanych
Ministr zamiežnych spraŭ Polščy pahutaryŭ pa telefonie z žonkaj Uładzimira Niaklajeva.
Ministr zamiežnych spraŭ Polščy Radasłaŭ Sikorski pahutaryŭ pa telefonie z žonkaj aryštavanaha kandydata ŭ prezidenty Uładzimira Niaklajeva - Volhaj.
U. Niaklajeŭ byŭ žorstka źbity i zatrymany 19 śniežnia pierad demanstracyjaj apazicyi ŭ centry Minska, jaho miescaznachodžańnie (vierahodna, śledčy izalatar KDB) i stan zdaroŭja da hetaha času nieviadomyja.
Ministerstva zamiežnych spraŭ Polščy paviedamlaje, što padčas telefonnaj razmovy Radasłaŭ Sikorski zajaviŭ, što «jak Polšča, tak i Jeŭraźviaz ličyć aryšt jaje muža i astatnich zatrymanych nieabhruntavanym i rašuča patrabujuć vyzvaleńnia ich z-pad varty». Ministar Sikorski padkreśliŭ, što Łukašenka ŭziaŭ na siabie asabistuju adkaznaść za los i zdaroŭje ŭsich aryštavanych.
Ministr Radasłaŭ Sikorski pieradaŭ Volzie Niaklajeva słovy padtrymki. Volha Niaklajeva hutaryła ź ministram Sikorskim, znachodziačysia pierad varotami KDB u Minsku, dzie čakała infarmacyi nakont losio muža. Jana padziakavała Polščy i Jeŭraźviazu za dapamohu i salidarnaść u hetyja dni - ciažkija dla jaje asabista i dla ŭsiaho hramadzianskaj supolnaści Biełarusi.
Kamientary