Abvastreńnie palityčnaj situacyi ŭ Biełarusi patrabuje pašyreńnia svabody pieramiaščeńnia dla biełarusaŭ i libieralizacyi vizavaha režymu z krainami Jeŭrasajuza, ličyć deputat bundestaha Maryłuize Biek.
Zachad «nie pavinien dapamahać aŭtarytarnamu režymu zapierci narod», zajaviła jana 28 śniežnia na sustrečy z žurnalistami ŭ Minsku. «Nielha vystupać suprać palityki prezidenta, kali rašeńni pojduć na škodu hramadzianam krainy», — pierakanana deputat bundestaha.
Biek adznačyła «dylemu ŭ reałpalityk pamiž etyčnymi normami i palityčnymi rašeńniami». Pry hetym, skazała jana, palityka dyjałohu moža być apraŭdana tym, što «pryniesła biełaruskamu hramadstvu bolš karyści, čym sankcyi».
Pavodle słoŭ deputata, krainam Zachadu jašče treba abmierkavać raźvićcio adnosin ź Biełaruśsiu i reakcyju na padziei paśla vybaraŭ prezidenta 19 śniežnia. Była nadzieja, što ŭklučeńnie krainy ŭ palityku ES «Uschodniaje partniorstva» pašyryć mahčymaści hramadzianskaj supolnaści. «Treba pryznać, što heta acenka była niasłušnaj», — padkreśliła jana.
Biek nie zmahła nazvać mahčymyja sankcyi ŭ dačynieńni da aficyjnaha Minska z boku ES, pakolki jany jašče nie abmiarkoŭvalisia. Pry hetym deputat vykazała nadzieju na toje, što Jeŭrasajuz «daść mocny adkaz na padziei apošnich 10 dzion u Biełarusi».
«Dobrym pačatkam dla pošuku adzinaj pazicyi ŭ ES» Biek nazvała ahulnuju pazicyju na situacyju ŭ Biełarusi kiraŭnikoŭ MZS Hiermanii i Polščy.
Deputat bundestaha taksama ličyć, što biełaruskaje pytańnie važna padniać u ramkach ABSIE, pakolki Biełaruś źjaŭlajecca členam hetaj arhanizacyi, ale «nie źviartaje ŭvahi na jaje asnovatvornyja pryncypy».
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary