Ministerstva justycyi ŭniesła pradstaŭleńnie kiraŭnictvu Minskaj haradskoj kalehii advakataŭ, u jakim patrabuje pryniać dyscyplinarnyja miery ŭ dačynieńni da šerahu advakataŭ, jakija abaraniajuć palitykaŭ i hramadskich dziejačaŭ, padazravanych u arhanizacyi masavych biesparadkaŭ u Minsku 19 śniežnia.
«Asobnyja advakaty, jakija ažyćciaŭlajuć abaronu asobaŭ, što ŭdzielničali 19 — 20 śniežnia 2010 u dziejańniach, skiravanych na arhanizacyju masavych biesparadkaŭ, jakija supravadžalisia sprobaj zachopu dziaržaŭnych ustanovaŭ, źniščeńniem majomaści, uzbrojenym supracivam pradstaŭnikam ułady, dapuskajuć hrubyja parušeńni Praviłaŭ prafiesijnaj etyki advakata, dziejnaha zakanadaŭstva, u tym liku Zakona Respubliki Biełaruś «Ab advakatury», — adznačajecca ŭ paviedamleńni.
U pryvatnaści, na dumku Miniusta, «niekatoryja advakaty,
złoŭžyvajučy svaim pravam na abaronu inšych asobaŭ, u skažonym śviatle padajuć infarmacyju pra chod śledstva i mahčymaści realizacyi pravoŭ svaich padabaronnych na jurydyčnuju dapamohu, stanie ich zdaroŭja i ŭmovach utrymańnia, tendencyjna padajuć infarmacyju ab pracy pravaachoŭnych orhanaŭ krainy».
«Ministerstva justycyi jak licenzavalny orhan u halinie advakackaj dziejnaści ŭniesła pradstaŭleńnie kiraŭnictvu Minskaj haradskoj kalehii advakataŭ, u jakim pakazała na nizki prafiesijny ŭzrovień asobnych advakataŭ, parušeńni Praviłaŭ prafiesijnaj etyki i zakanadaŭstva i zapatrabavała zrabić nieadkładnyja zachady da ich biezumoŭnaha vykanańnia.
Pa vyjaŭlenych faktach Ministerstvam justycyi pravodzicca pravierka, patrabujucca tłumačeńni i pa vynikach buduć pryniaty praduhledžanyja zakanadaŭstvam miery reahavańnia», — havorycca ŭ paviedamleńni.
Kamientary