Makiej: Litaralna zubami davodzicca vyryvać kožny baral nafty, kubamietr hazu
Kiraŭnik Administracyi prezidenta Uładzimir Makiej 30 śniežnia pradstaviŭ deputatam Homielskaha abłasnoha savieta na pazačarhovaj siesii novaha staršyniu abłvykankama Uładzimira Dvornika.
Kažučy pra novaha kiraŭnika abłasnoj viertykali ŭłady, Makiej skazaŭ: «Heta patrebny čałaviek u patrebny čas na patrebnym miescy. Takija ludzi zaraz nieabchodny».
«Čas ciapier niaprosty. Kali chtości dumaje, što kali nam uśmichajucca našy zamiežnyja partniory, to ŭsio dobra, ja dumaju, nie varta spakušacca, bo časta jany chavajuć za śpinaj kułak. Siońnia litaralna zubami davodzicca vyryvać kožny baral nafty, kožny kubamietr hazu, zubami bicca za kožny kvadratny mietr rynku dla prodažu našaj pradukcyi», — zajaviŭ kiraŭnik administracyi.
Makiej pryvioŭ słovy prezidenta pra toje, što «paśla raspadu savieckaj sistemy i ŭtvaryłasia vialikaja kolkaść novych niezaležnych dziaržaŭ, kožnaja z hetych dziaržaŭ kinułasia napierad, imknučysia chutčej zaniać nišu ŭ novaj sistemie handlovych adnosinaŭ». «Časta hetyja dziaržavy pavodziać siabie nie zaŭsiody prystojna,
niekatoryja biahuć, jak vaŭki, zahryzajučy na šlachu svaich sabrataŭ, raskidvajučy ŭsich rukami i łokciami.
Biełaruś zaŭsiody pavodziła siabie hodna, zaŭsiody była nadziejnym partnioram, ale heta nie aznačaje, što my spakojna pavinny hladzieć na prynižeńni, moŭčki ciarpieć palityčnyja i ekanamičnyja ŭdary, jakija sprabujuć nam nanieści niekatoryja našy partniory. My pavinny adkazvać adekvatna, ale nie ahresijaj, a svajoj pracaj, dyscyplinaj», — miarkuje Makiej.
Jon pieraściaroh abłasnuju viertykal: «Kali ŭ najbližejšyja
Kamientary