Składzieny śpis sa 158 čałaviek, kamu zabaronieny ŭjezd u ES. A voś Siamašku ŭsprymajuć jak patencyjnaha pierajemnika Łukašenki.
U śpisie asob, jakija traplajuć pad vizavyja sankcyi Eŭraźviazu, ažno troje Łukašenkaŭ: Alaksandar, Viktar i Dźmitryj. I jašče 117 asob, vinavatych u masavych represijach suprać apazycyi. Razam z tymi biełaruskimi čynoŭnikami, suprać kaho sankcyi dziejničali z 2006 hoda, ahulny śpis niežadanych u Eŭropie asob ź Biełarusi składzie 158 asob.
Jak piša bruselskaje vydańnie Euobserver, u śpis asob, jakim 31 studzienia Eŭraźviazam budzie zabaronienaja vydača viz, uvojdzie pamočnik prezydenta Biełarusi pa nacyjanalnaj biaśpiecy, siabra Savieta biaśpieki i adnačasova syn dziejnaha kiraŭnika dziaržavy Viktar Łukašenka.
Inšy syn Łukašenki Dźmitryj, jaki nie źjaŭlajecca palityčnaj fihuraj, a pracuje kiraŭnikom Prezydenckaha spartyŭnaha kluba, taksama patrapiŭ u śpis niepažadanych u Eŭropie asob.
Siarod 117 novych proźviščaŭ u śpisie taksama Jury Žadobin (ministar abarony); Leanid Malcaŭ (sakratar Savieta biaśpieki); Vadzim Zajcaŭ (staršynia KDB), Uładzimier Makiej (kiraŭnik administracyi Łukašenki); Ryhor Vasilevič (heneralny prakuror) i Uładzimier Andrejčanka (kiraŭnik nižniaj pałaty parlamentu).
Novy śpis taksama ŭklučaje ŭ siabie
24 kiraŭniki rehijanalnych i centralnych vybarčych kamisij, 30 jurystaŭ i 10 žurnalistaŭ, aficyjnych «prapahandystaŭ Łukašenki».
Adnoviacca raniejšyja vizavyja sankcyi i suprać 41 čynoŭnika, u tym liku samoha Alaksandra Łukašenki, jakija dziejničali z 2006 hoda i byli zamarožanyja ŭ 2008 hodzie.
Ministar zamiežnych spraŭ Biełarusi Siarhiej Martynaŭ i pieršyvice-prem jer Viktar Siamaška nia ŭklučanyja ŭ śpis. Martynaŭ u śpis nie ŭvachodzić,
bo Eŭraźviaz choča zachavać chacia b adzin kanał suviazi pamiž Biełaruśsiu i Eŭropaj. Siamašku ž niekatoryja ŭ Eŭraźviazie usprymajuć jak patencyjnaha pierajemnika Łukašenki, piša
Kančatkovaje rašeńnie pavinna być pryniata ŭ paniadziełak 31 studzienia ŭ Bruseli ministrami zamiežnych spraŭ krain Eŭraźviazu, jakija jašče mohuć udakładnić hety śpis.
Ministry ŭ paniadziełak taksama vyrašać, jaki typ ekanamičnych sankcyj uvieści suprać aficyjnaha Miensku.Mahčymaja zabarona handlu naftapraduktami kancerna «Biełnaftachim» i ŭhnajeńniami «Biełaruśkalija» na terytoryi Eŭraźviazu. Razhladajecca taksama mahčymaść blakavańnia dapamohi Biełarusi z boku MVF, Eŭrapiejskaha investycyjnaha banku i Eŭrapiejskaha banku rekanstrukcyi i raźvićcia.
Krynica ŭ Eŭraźviazie adznačyła, što Brusel čakaŭ bolš za miesiac, pierš čym prymać sankcyi, dajučy Miensku šaniec vyzvalić palityčnych źniavolenych. Ale hetaha nie adbyłosia.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec88
Kamientary