2011 hod abjaŭleny dla supracoŭnikaŭ minskaj milicyi Hodam prafiłaktyki pravaparušeńniaŭ.
Jak paviedamili ŭ adździele infarmacyi i hramadskich suviaziaŭ HUUS Minharvykankama, heta vyklikana nieabchodnaściu kardynalna źmianiać padychody ŭ prafiłaktycy pravaparušeńniaŭ. Kožnaje dziasiataje z usich učynienych u horadzie złačynstvaŭ adnosicca da katehoryi ciažkich ci asabliva ciažkich. U Minsku nazirajecca rost kolkaści «pjanych» złačynstvaŭ, niepakoić recydyŭnaja i bytavaja złačynnaść, źnižeńnie ŭzrostu złačyncaŭ.
U suviazi z hetym kiraŭnictva minskaj milicyi pryniało rašeńnie ab praviadzieńni ŭ 2011 hodzie maštabnaj akcyi, skiravanaj na prafiłaktyku praktyčna ŭsich vidaŭ pravaparušeńniaŭ. Pryčym heta buduć nie adzinkavyja mierapryjemstvy, a kompleksnaja prafiłaktyčnaja prahrama, padrychtavanaja na ŭvieś hod. U jaje ramkach zapłanavana praviadzieńnie kožny miesiac metavaj akcyi, pryśviečanaj kankretnaj prablematycy.
U miežach kožnaj takoj štomiesiačnaj akcyi zapłanavanyja jak niepasredna milicejskija mierapryjemstvy (rejdy, prafiłaktyčnaja praca z padulikovym kantynhientam i h.d.), tak i navatarskija mierapryjemstvy dla žurnalistaŭ.
Meta akcyi, jakaja projdzie ŭ lutym, — prafiłaktyka recydyŭnaj złačynnaści šlacham pracaŭładkavańnia raniej sudzimych asob, arhanizacyja ich volnaha času.
Try viasiennija akcyi buduć pryśviečanyja zabieśpiačeńniu abarony pravoŭ i zakonnych intaresaŭ dziaciej u niapaśpiachovych siemjach, prafiłaktycy kradziažoŭ asabistaj majomaści, zabieśpiačeńniu zaniataści padletkaŭ u letni pieryjad.
Letam milicyja zojmiecca prafiłaktykaj złačynstvaŭ i pravaparušeńniaŭ u miescach masavaha adpačynku hramadzian, prafiłaktykaj recydyŭnaj złačynnaści, pracaŭładkavańniem raniej sudzimych, a taksama prafiłaktykaj pravaparušeńniaŭ, što ŭčyniajucca narkamanami.
Prafiłaktycy pravaparušeńniaŭ niepaŭnaletnich, złačynstvaŭ, što ŭčyniajucca ŭ dvarach, padjezdach, kvaterach, i prafiłaktycy pravaparušeńniaŭ asobami, jakija stajać na ŭliku, buduć pryśviečany akcyi ŭ vieraśni, kastryčniku i listapadzie.
Metaj śniežańskaj akcyi stanie prafiłaktyka pravaparušeńniaŭ na hlebie pjanstva ŭ pobycie.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ10
Kamientary