Minzdaroŭja: Sioleta nivodzin čałaviek nie pamior ad «śvinoha» hrypu
Bolš za 120 tysiač čałaviek u Biełarusi stali achviarami zimovaj epidemii. Kala 110 škoł zakrytyja na karancin. Kala 25 tysiač biełarusaŭ chvoryja na hryp.
Pra heta paviedamiŭ namieśnik ministra achovy zdaroŭja Aleh Arnautaŭ. Adkazvajučy na pytańnie Jeŭraradyjo, jon adznačyŭ, što sioleta lekary ŭvohule nie vydzialajuć virus AH1N1 siarod inšych virusnych infiekcyj. Maŭlaŭ, jon nie strašniejšy za ŭsie inšyja varyjacyi hrypu.
«Jon lečycca hetak sama, jak i inšy hryp, absalutna! Pytańnie tolki ŭ tym, što heta roznaja antyhiennaja struktura. Siońnia ŭ našaj krainie kala 30% nasielnictva pryščeplenyja suprać hetaha ŭzbudžalnika. Heta aznačaje, što ahresiŭnaść hetaha ŭzbudžalnika sioleta budzie značna nižej, čym letaś ci ŭ inšyja hady. Tamu nie treba pałochać nasielnictva. Siońnia ad našaha strachu ničoha nie zaležyć. Treba prosta spakojna žyć i vykonvać tyja rekamiendacyi, jakija my dajem. Miedycyna hatovaja akazać nieabchodnuju dapamohu — tolki svoječasova pryjdzicie».
Pavodle jaho słovaŭ, u Biełarusi ad pačatku hoda nivodnaha čałavieka nie pamierła ad pandemičnaha hrypu. Tamu miedyk raić nie bajacca chvaroby i śmierci, a jeści bolš kapusty, burakoŭ dy limonaŭ, a taksama nasić adnarazovyja maski.
U toj ža čas lekary papiaredžvajuć:
kožnaha chvoraha z padazreńniem na pnieŭmaniju buduć nieadkładna kłaści ŭ špital.I dla hetaha, kaža namieśnik ministra, usio hatovaje.
«Usie asoby, u jakich nie vyklučajuć pnieŭmaniju, — uskładnieńni paśla virusnaj infiekcyi, albo pieršasna ŭźnikłaja pnieŭmanija — jany lečacca ŭ abaviazkovym paradku ŭ stacyjanarnych umovach. Va ŭstanovach achovy zdaroŭja raspracavanyja płany pa farmavańni reziervu łožkavaha fondu, pieraprafilavańni łožkaŭ z mahčymym razhortvańniem pałat intensiŭnaj terapii ŭ pieraprafilavanych adździaleńniach, z mahčymaściu raździaleńnia špitalizavanych chvorych. U pieršuju čarhu heta tyčycca ciažarnych žančyn».
Nakolki składanaj moža być novaja epidemija, Aleh Arnautaŭ pradkazać admoviŭsia. Ale adznačyŭ, što pakul niama padstaŭ mierkavać, što śledam za «ptušynym», «śvinym» dy «kazinym» źjavicca
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary