Nastaŭnica Iljinič budzie damahacca adnaŭleńnia na pracy praz sud
Nastaŭnica historyi Talkaŭskaj siaredniaj škoły Natalla Iljinič, ź jakoj dyrektar škoły nie praciahnuła pracoŭny kantrakt, padrychtavała iskavuju zajavu ŭ sud Puchavickaha rajona.
Natalla Iljinič upeŭninaja, što jaje pazbaŭlajuć pracy za hramadska-palityčnuju aktyŭnaść:
- Ja nie pracuju horš za inšych, adnak ź imi praciahvajuć pracoŭnyja kantrakty, a mnie voś admovili. Tyja pryčyny, jakija nazvała dyrektar škoły ŭ abhruntavańnie, jany nie istotnyja, bo nie ŭpłyvajuć na jakaść vychavaŭčaha i navučalnaha pracesu. A piśmovych aficyjnych vymovaŭ ja nikoli nie mieła, zaŭsiody atrymlivała tolki padziaki za pracu – i ad baćkoŭ, i ad vučniaŭ byłych, i ad administracyi taksama.
U svajoj zajavie spn. Iljinič paviedamlaje nastupnaje: “Z vyniesienym najmalnikam zahadam ja nie zhodnaja i liču, što sapraŭdnaj pryčynaj pryniaćcia rašeńnia ab maim zvalnieńni i admovy ŭ zaklučeńni novaha pracoŭnaha kantraktu źjaŭlecca abmiežavańnie mianie ŭ pracoŭnych pravach pa palityčnych pierakanańniach, u źviazku z majoj aktyŭnaj hramadska-palityčnaj dziejnaściu. Liču svajo zvalnieńnie niezakonnym i zasnavanym na deskryminacyjnym padychodzie da mianie z boku najmalnika i inšych dziaržaŭnych ustanovaŭ. Pry hetym maja hramadska-palityčnaja dziejnaść, maje palityčnyja pierakanańni nijakim čynam nie adbivałasia na majoj prafisijnaj dziejnaści padčas pracy nastaŭnikam u škole. Adnak, niahledziačy na heta, ja ŭvieś čas padviarhałasia cisku z boku Minskaha abłasnoha ŭpraŭleńnia adukacyi i miascovych vykanaŭčych orhanaŭ ułady, jakija nieadanarazova pahražali mnie zvalnieńniem z pracy ŭ suviazi z majoj hramadskaj i palityčnaj dziejnaściu, u suviazi z maimi palityčnymi pierakańniami i pohladami”.
Natalla Valancinaŭna ličyć, što na ciapierašniaje rašeńnie dyrektara škoły Natalli Mierkul mocna paŭpłyvaŭ i vobysk, jaki ŭ domie nastaŭnicy byŭ praviedzieny 5 studzienia.
-Dyrektar mnie adrazu skazała, što “ia bajusia”. Jana mnie takoje abhruntavańnie dała, kali aficyjna vynosiła papiaredžańnie 11 studzienia. Ja zapytałasia, čaho jana baicca. “Voś u vas byŭ vobysk, a nastaŭnik pavinien być zakonapasłuchmianym.
A raz u vas vobysk, značyć jość prablemy z zakonam - u inšych ža vobyski nie pravodziać. I ja nie chaču takoha nastaŭnika mieć u škole”,
- pačuła ja ŭ adkaz.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary