Ich złavili kala pomnika Leninu, paśla zatrymańnia adrazu praviali pieratrus u ich doma.
Siońnia nočču, pryblizna a 3-j hadzinie, u Harodni byli zatrymanyja Kaciaryna Hierasimčyk i Volha Bahdankievič. Dziaŭčataŭ złavili kala pomnika Lenina, na jakim było hrafici «Łuku na muku». Pry sabie Kaciaryna i Volha mieli nalepki «Svabodu Kirkieviču» i «Svabodu Niaklajevu».
«Pakul my admovilisia davać pakazańni, kab nie śviedčyć suprać siabie. Advakata da nas nie puścili, -- raskazvaje Kaciaryna Hierasimčyk, telefonam joj nie zabaraniali karystacca. — Dzieści a 7-aj ranicy ŭ našych pakojach u studenckim internacie praviali vobšuk. My tam prysutničali i, zdajecca, usio prajšło spakojna: z paniatymi i pa zakonie. Ale zaraz, paśla niekalkich hadzinaŭ u apornym punkcie, nas viazuć kudyści na videaŭlik».
***
Studentak adpuścili
Studentak haradzienskaha meduniversytetu Kaciu Hierasimčyk i Volhu Bahdankievič zatrymali kala druhoj hadziny ŭnačy pobač z pomnikam Leninu, na jakim byŭ nadpis «Łuku na muku». Dziaŭčaty nie pryznali svajo dačynieńnie da nadpisu. I tolki siońnia ŭ abied ich vypuścili z pastarunku, papiaredziŭšy, što na nastupnym tydni vykličuć u milicyju.
Ad druhoj hadziny da abiedu im daviałosia znachodzicca ŭ milicyi. Jany admovilisia pisać tłumačalnyja listy, pakolki nia ličać siabie vinavatymi.
Ranicaj ŭ pakojach internatu, dzie žyvuć dziaŭčaty, sa słoŭ Kaci Hierasimčyk, milicyjanty zrabili pieratrus, kanfiskavali kamputar, knihi, reklamnyja materyjały «Maładoha frontu» i kampanii «Havary praŭdu». I pry hetym, ź ich słoŭ, im nia vydali pratakoł ab kanfiskacyi ich ułasnych rečaŭ. Z hetaj pryčyny dziaŭčaty źbirajucca skardzicca ŭ prakuraturu.
Padčas zatrymańnia jany mieli pry sabie nalepki «Małady front» i razdrukoŭki z nadpisam «Svabodu Kirkieviču!», «Svabodu Niaklajevu!», «Svabodu Fiadutu!».
Radyjo Svaboda
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary