U Viciebsku konkurs moładzievych prac dla multymiedyjnaha zbornika «Zamki Viciebska: staronki słavutaj historyi»
U Viciebsku raspačaŭsia konkurs moładzievych prac dla multymiedyjnaha zbornika «Zamki Viciebska: staronki słavutaj historyi». Usim maładym ludziam horadu i vakolic prapanavana na vybar bolš za dziesiatak temaŭ, źviazanych z historyjaj troch viciebskich zamkaŭ, što kaliś achoŭvali horad. Žadajučyja paŭdzielničać u konkursie zaklikanyja pahłybicca ŭ staronki zamkavych vojnaŭ i pobytu, architektury i ramiostvaŭ, raspracavać temy viadomych manarchaŭ albo nie mienš viadomych archieołahaŭ, jakija mieli dačynieńnie da žyćcia muravanych abaroncaŭ.
Pa ŭmovach konkursu, treba napisać pracu (refierat, artykuł, ese) na 6–10 staronak pa adnoj z temaŭ, dakładny śpis katorych znachodzicca na staroncy konkursa http://zamki.vitebsk4.me/, prykłaści pa mahčymaści vizualny materyjał i da 28 lutaha adpravić heta arhanizataram. Pracy stanuć tekstavym bazisam multymiedyjnaha zborniku, jaki taksama budzie ŭtrymlivać videaekskursii, raznastajnyja fotamateryjały,
Pad čas pracy arhanizatary konkursu źviartajucca pa kansultacyi da dyzajnieraŭ, pradstaŭnikoŭ akademičnaj navukovaj śfiery, supracoŭnikaŭ muziejaŭ. Niemała paradaŭ i kaštoŭnych zaŭvah było pačuta ad dobra viadomaha viciebskaha archieołaha Taćciany Stanisłavaŭny Bubieńki. Namieśnik dyrektara Viciebskaha abłasnoha krajaznaŭčaha muzieja pa navukovaj pracy Valeryj Alaksiejevič Šyšanaŭ paspryjaŭ farmavańniu finalnaj vizii prajekta. Vykładčyki kafiedry historyi Biełarusi Viciebskaha dziaržaŭnaha univiersiteta paraili, jak zrabić farmuloŭki konkursu bolš zrazumiełymi dla moładzievaj aŭdytoryi.
Usim udzielnikam arhanizatary prajekta harantujuć imia i proźvišča na vokładcy zborniku, aŭtarskija asobniki, pamiatnyja padarunki.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary