MVF prapanuje Biełarusi devalvavać rubiel

Deficyt rachunku biahučych apieracyj patrabuje nieadkładnaha ŭzmacnieńnia žorstkaści hrašova-kredytnaj palityki.

Taki punkt hledžańnia vykazała ŭ intervju «Prajm-TASS» pastajanny pradstaŭnik Mižnarodnaha valutnaha fondu (MVF) u Biełarusi Natalla Kaladzina. «Rost kredytavańnia ŭ Biełarusi ŭ 2011 h. praciahvaje zastavacca vielmi značnym, i nieabchodna zrabić zachady dla jaho zapavoleńnia, z tym kab pamienšyć popyt na zamiežnuju valutu», — skazała Kaladzina.

Jana adznačyła, što ŭ 2010 h. adbyłosia rezkaje asłableńnie hrašova-kredytnaj i padatkova-biudžetnaj palityki ŭ Biełarusi, a taksama značnaje pavyšeńnie zarabotnaj płaty ŭ realnym vyražeńni, što pryviało da pavieličeńnia deficytu rachunku pa biahučych apieracyjach. «My bačyli ŭ minułym hodzie i praciahvajem bačyć zaraz, što razryŭ finansavańnia pa apłatnamu bałansu značny i popyt na zamiežnuju valutu pieravyšaje jaje prapanovu», — skazała pradstaŭnik MVF.

Adkazvajučy na pytańnie, jakim čynam, na jaje pohlad, ułady majuć namier spraŭlacca z hetaj situacyjaj, Kaladzina vykazała zdahadku: «U minułym hodzie ŭłady vyrašali hetuju prablemu šlacham zamiežnych zapazyčańniaŭ i vyznačanych pastupleńniaŭ ad pryvatyzacyi (u 2010 h. pastupiŭ apošni tranš «Hazproma» za pakiet ŭ «Biełtranshazie»). Sioleta ŭłady płanujuć skaracić deficyt pa mižnarodnym handli, ale miarkujucca i pastupleńnie dachodaŭ ad pryvatyzacyi, a taksama zapazyčańni». «My ličym, što dla skaračeńnia deficytu handlu patrabujecca makraekanamičnaja karektoŭka, — adznačaje pradstaŭnik MVF. — Novyja zamiežnyja pazyki pavinny sadziejničać pavieličeńniu zołatavalutnych reziervaŭ, što mahčyma, tolki kali handlovy deficyt pačnie skaračacca. Heta moža być dasiahnuta tolki pasrodkam uzmacnieńnia žorstkaści hrašova-kredytnaj palityki i bolš hnutkaj kursavoj palityki. Akramia taho, zamiežnaje finansavańnie niebiaźmiežnyja i zaležyć ad situacyi na mižnarodnych finansavych rynkach, jakija ciapier chutka źmianiajucca «. Jana padkreśliła, što ŭstanoŭleny na 2011 h. kalidor vahańniaŭ biełaruskaha rubla da košyka valut (plus-minus 8%) pradastaŭlaje peŭnyja mahčymaści dla praviadzieńnia hnutkaj palityki kursaŭtvareńnia.

Pavodle słovaŭ Kaladzinaj, adnačasova z uviadzieńniem bolš žorstkaj hrašova-kredytnaj palityki pavinny prymacca miery pa ŭzmacnieńni padatkova-biudžetnaj palityki, što dapamoža ŭ bolš doŭhaterminovaj pierśpiektyvie i vyzvalić peŭny resurs dla raźvićcia pryvatnaha siektara.

• 0
• 0
• 0
• 0
• 0
• 0
• 0
• 0