Jon hatovy da pakutnickaj śmierci
Muamar Kadafi admoviŭsia syści z pasady kiraŭnika Livii ŭ suviazi z šyrokamaštabnym antyŭradavymi vystupleńniami, jakija, pa jaho słovach, «hulajuć na ruku satanie». U aŭtorak pałkoŭnik źviarnuŭsia da nacyi pa telebačańni, aktyŭna žestykulujučy pry hetym ścisnutym kułakom i čas ad času pramaŭlajučy hučniej.
Heta była jaho pieršaja bujnaja pramova paśla pačatku masavych biesparadkaŭ, jakija ŭspychnuli ŭ Livii ŭ minułuju niadzielu. U chodzie ich, pa dadzienych pravaabaroncaŭ, zahinuła kala 300 čałaviek.
Pavodle Muamara Kadafi, bajaźliŭcy i zdradniki śćviardžajuć, byccam u Livii nibyta panuje chaos, a vorahi krainy sprabujuć ačarnić jaje abličča. Jon zaklikaŭ svaich prychilnikaŭ vyjści na vulicy i dać adpor jaho supiernikam, nazvaŭšy ich «bandaj abkuranych prusakoŭ».
Pavodle Kadafi, moładź budzie farmiravać atrady i kamitety dla abarony nacyi. Jon dadaŭ, što
kali livijcy hetaha zachočuć, jany zmohuć prapanavać novyja zakony ab kiravańni krainaj, uklučajučy raźmierkavańnie dachodaŭ ad zdabyčy nafty.
Pałkoŭnik papiaredziŭ, što ŭ vypadku nieabchodnaści budzie vykarystanaja siła — ale tolki ŭ adpaviednaści ź mižnarodnym zakanadaŭstvam. Kadafi dadaŭ, što pačynajučy ź sierady biaśpieku ŭ krainie budzie harantavać palicyja.
Livijski lidar pryhraziŭ śmiarotnaj karaj lubomu, chto pasprabuje naškodzić krainie ci dapamahčy jaho voraham. Jon abrynuŭsia na zachodnija krainy, u pryvatnaści, ZŠA i Vialikabrytaniju, abvinavaciŭšy ich u sprobach destabilizavać Liviju.
Pałkoŭnik zajaviŭ, što žmieńka «chvorych ludziej» sprabuje spravakavać u krainie padziei, jakija adbylisia ŭ Tunisie i Jehipcie. Jon śćviardžaŭ, što nievialikaja kolkaść terarystaŭ sprabuje pieratvaryć Liviju ŭ jašče adzin Afhanistan, jaki zatym budzie akupavany amierykancami.
Siabie jon nazvaŭ revalucyjnym lidaram, jaki budzie prynosić siabie ŭ achviaru da kanca svajho žyćcia i pamre za svaju krainu jak pakutnik. Pavodle Kadafi, jon prynios svajoj nacyi słavu.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik56
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary