«Inačaj niezaležnaja advakatura ŭ Biełarusi budzie źniščanaja».
«Naš centr budzie źviartacca da krain Jeŭrapiejskaha sajuza z prośbaj uklučyć uvieś skład respublikanskaha prezidyuma kalehii advakataŭ u śpis nieŭjazdnych u ES».
Pravaabaronca i kiraŭnik centra «Pravavaja dapamoha nasielnictvu» (Kijeŭ, Ukraina) Aleh Vołčak zaklikaje advakataŭ pravieści strajk — u advarotnym vypadku niezaležnaja advakatura ŭ Biełarusi budzie źniščanaja.
«Učora my praviali naradu z rehijanalnymi jurystami pravaabarončaha centra «Pravavaja dapamoha nasielnictvu». Heta było źviazana z tym, što Paŭła Sapiełku vyklučyli z kalehii advakataŭ.
Naš centr budzie źviartacca da krain Jeŭrapiejskaha sajuza prośbaj uklučyć uvieś skład respublikanskaha prezidyuma kalehii advakataŭ u śpis nieŭjazdnych u ES za pazbaŭleńnie advakataŭ prava zajmacca advakackaj praktykaj pa pradstaŭleńni jurydyčnaj dapamohi hramadzianam. Respublikanskaja kalehija advakataŭ abaviazanaja abaraniać svaich kalehaŭ, bo mienavita jany znachodziacca na ŭtrymańni kožnaha advakata, jaki sa svaich hanararaŭ płacić respublikanskaj kalehii advakataŭ.
My zaklikajem advakataŭ prajavić salidarnaść i źviarnucca da ministra justycyi, kab jon spyniŭ cisk na advakackuju supolnaść. Było b dobra, kali b zaraz usie advakaty pa ŭsioj Biełarusi praviali strajk, nie vyjšli b na pracu.Ja dumaju, što ŭłady prysłuchalisia b da prablem advakataŭ. Inakš represiŭnaja mašyna nie spynicca i budzie dalej vyklučać advakataŭ z kalehii. Možna śmieła zajavić, što ŭ krainie adsutničaje niezaležnaja advakatura», — zajaviŭ Aleh Vołčak.
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
Kamientary