Alaksandar Kvaśnieŭski učora ŭ Varšavie zaklikaŭ Eŭrapiejski Źviaz pačać pieramovy ź Mienskam: «Kali ŭžo my viadziem havorku ź Iranam, Paŭnočnaj Karejaj ci Kubaj, tady čamu nie havaryć ź Biełaruśsiu?»
Alaksandar Kvaśnieŭski učora ŭ Varšavie zaklikaŭ Eŭrapiejski Źviaz pačać pieramovy ź Mienskam.
— Raniejšaja palityka EZ ŭ dačynieńni da Biełarusi nie prynosić nijakich vynikaŭ. Pravy čałavieka jak parušalisia, tak i parušajucca, i niama šancaŭ na chutkuju demakratyzacyju, – skazaŭ były prezydent Polščy. – Biełaruski režym represiŭny, ale nie kryvavy i nie złačynny. Kali ŭžo my viadziem havorku ź Iranam, Paŭnočnaj Karejaj ci Kubaj, tady čamu nie havaryć ź Biełaruśsiu?
Hetyja słovy byli skazanyja u časie jeršaj imprezy fondu Alaksandra Kvaśnieŭskaha «Amicus Europae», jaki stvorany dla prapahandy eŭrapiejskaj intehracyi. Kvaśnieŭski – pieršy palityk z krainy-ŭdzielnicy Eŭraźviazu, jaki skazaŭ naŭprost, što treba sieści za stoł pieramovaŭ ź biełaruskim uradam.
Pavodle Kvaśnieŭskaha, nastupnyja miesiacy buduć klučavymi dla budučyni stasunkaŭ Eŭraźviazu ź Biełaruśsiu, bieručy pad uvahu siońniašniuju palityku Rasiei ŭ dačynieńni da Łukašenki.
Što varta zrabić? Pavodle Alaksandra Kvaśnieŭskaha, asablivaja rola naležyć krainam, jakija zacikaŭlenyja ŭ raźvićci uschodniaha vektaru eŭrapiejskaj palityki, a mienavita Niamieččynie, Polščy, Litvie i Ŭkrainie. Jany pavinny vystupić z sumiesnaj inicyjatyvaj, tym bolš što ad studzienia 2007 hodu Niamieččyna na paŭhodu stanie na čale Eŭraźviazu.
Brusel apošnim časam źmianiaje kurs u dačynieńni da Miensku. Niejki čas tamu Eŭrapiejskaja paabiacała Biełarusi dapamohu, kali taja pojdzie stanie na šlach demakratyzacyi. Siarod prapanovaŭ Eŭraźviazu Biełarusi – finansavaja dapamoha pradpryjemstvam, raźvićcio transpartnaj infrastruktury, likvidacyja handlovych barjeraŭ, intehracyja biełaruskaj enerhasystemy da eŭrapiejskaj ŭ eŭrapiejskuju (praz Polšču ci Litvu), prahrama stypendyj dla studentaŭ, spraščeńnie vizavych pracedur i h.d.
Varta nahadać, što Kvaśnieŭski zhadvaŭsia razam z Brazaŭskasam u jakaści mahčymaha pasiarednika na pieramovach Eŭrasajuzu ź Biełaruśsiu ŭ našumiełych "vilenskich prapanovach" Uładzimiera Niściuka.
Fota photo.bymedia.net
Kamientary