Prezident ZŠA Barak Abama abviaściŭ ab namiery bałatavacca na druhi termin u 2012 hodzie.
Ab hetym paviedamlajecca na aficyjnym sajcie jaho pieradvybarčaj kampanii, a taksama ŭ elektronnych listach, jakija byli razasłanyja ŭ paniadziełak jaho prychilnikam.
Zajava pra start vybarčaj kampanii Abamy nie stała niečakanaściu. U minułyja vychadnyja pradstaŭniki Biełaha doma zajaŭlali ab tym, što na hetym tydni kiraŭniki vybarčaha štaba amierykanskaha prezidenta mohuć padać dakumienty ŭ fiederalnuju vybarčuju kamisiju.
U imejle svaim prychilnikam, jaki byŭ apublikavany na sajcie Huffington Post, Barak Abama piša, što jaho pieradvybarnaja kampanija pačniecca z małych akcyj — takich, jak «razmovy z susiedziami, kalehami i siabrami» — i budzie razrastacca pa miery nabližeńnia vybaraŭ.
«Tak što navat kali ja budu pahružany ŭ pracu, na jakuju vy mianie abrali, i pieradvybarčaja honka nie pačniecca ŭ poŭnuju siłu jašče pa mienšaj miery hod, rabota pa zakładańni padmurku našaj kampanii pavinna pačacca ŭžo siońnia», — papiaredžvaje Abama.
Palityčnyja analityki ŭ ZŠA miarkujuć, što vybarčy štab Abamy moža sabrać bolš za miljard dalaraŭ.
Ciapier čytajuć
U Francyi ad śpioki zahinuŭ dalnabojščyk z Dokšycaŭ12
Kamientary