Siarhiej Kalakin pieraabrany staršynioj Biełaruskaj partyi levych «Spraviadlivy śviet»
Staršynioj Biełaruskaj partyi levych «Spraviadlivy śviet» adnahałosna na biezalternatyŭnaj asnovie znoŭ vybrany Siarhiej Kalakin. Takoje rašeńnie pryniaŭ XV źjezd partyi 29 maja.
Paśla vybrańnia Kalakin zajaviŭ, što ličyć takoje rašeńnie nie tolki palityčnym, ale i «losavyznačalnym». «Hałasavali vielmi šmat maładych ludziej, partyja abnaŭlajecca. U ich vielmi roznyja pohlady, ale toje, što jany pryjšli da nas, — heta dobra i aznačaje, što partyja budzie žyć», — skazaŭ lidar «Spraviadlivaha śvietu».
Pavodle jaho słoŭ, vybranaja taktyka refarmavańnia partyi akazałasia apraŭdanaj. Partyja nie straciła nivodnaj arhanizacyjnaj struktury, a jaje kolkasny skład nie tolki nie skaraciŭsia, ale i ŭzros za košt prytoku novych ludziej.
Da kastryčnika 2009 hoda arhanizacyja mieła inšuju nazvu — Partyja kamunistaŭ Biełaruskaja. Rašeńnie ab pierajmienavańni było pryniata pavodle vynikaŭ hałasavańnia na XIV niečarhovym źjeździe partyi. Jak rastłumačyŭ tady Kalakin, novaja nazva dazvolić partyi pryciahnuć u svaje šerahi nie tolki moładź, ale i pradstaŭnikoŭ inšych levych arhanizacyj, jakija nie prajšli aficyjnuju rehistracyju ŭ Biełarusi.
U pracy źjezda, što prachodziŭ 28–29 maja ŭ Minsku, brali ŭdzieł prykładna 170 delehataŭ z roznych rehijonaŭ Biełarusi. Delehaty zasłuchali spravazdaču centralnaha kamiteta partyi ab zroblenym, vybrali staršyniu i jaho namieśnikaŭ.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary