Prem'jer-ministr Ukrainy Mikałaj Azaraŭ nie bačyć padstaŭ dla pierachodu na raźliki pa bartery z boku Biełarusi. Pra heta jon zajaviŭ žurnalistam 30 maja ŭ Kijevie.
«Ja nie baču absalutna nijakich padstaŭ, bo ŭ praviadzieńni raźlikaŭ ź Biełaruśsiu nie było prablemy na siońniašni dzień», — cytuje Azarava RIA Novosti.
Pavodle słoŭ Azarava, valutnych reziervaŭ Biełarusi dastatkova dla vykanańnia abaviazacielstvaŭ pa źniešnieekanamičnych kantaktach.
«U halinie vykanańnia svaich źniešnich abaviazacielstvaŭ pakul Biełaruś pavodzić siabie davoli akuratna, usie pastaŭki i źniešnieekanamičnyja suviazi apłačvajucca, kantrakty apłačvajucca»,- adznačyŭ premjer Ukrainy.
Pry hetym Azaraŭ dadaŭ, što Ukraina, biezumoŭna, spahadaje «našaj brackaj Biełarusi». «Kali ad nas niejkaja dapamoha budzie nieabchodnaja, my, biezumoŭna, budziem akazvać takuju dapamohu», — padkreśliŭ kiraŭnik ukrainskaha ŭrada.
U niekatorych ukrainskich ŚMI źjaviłasia infarmacyja, što Biełaruś žadaje pierajści na barternyja raźliki z Ukrainaj u suviazi ź ciažkim finansavym stanoviščam u krainie.
Kamientary