Viadomamu biełaruskamu dyzajnieru, kiraŭniku Centra maładziožnaj mody BDU, zasnavalniku mižnarodnaha fiestyvalu «Młyn mody» Sašu Varłamavu pradjaŭlena abvinavačańnie, paviedamiła ŭpraŭleńnie infarmacyi i hramadskich suviaziaŭ (UIHS) MUS.
Abvinavačańnie pradjaŭlena Hałoŭnym śledčym upraŭleńniem papiaredniaha rasśledavańnia MUS 28 maja. Varłamavu stavicca ŭ vinu ŭčynieńnie złačynstvaŭ, praduhledžanych č. 2 art. 426 (pieravyšeńnie słužbovych paŭnamoctvaŭ) i č. 3 art. 210 (kradziež šlacham złoŭžyvańnia słužbovymi paŭnamoctvami) Kryminalnaha kodeksa.
Pavodle danych MUS, «u pieryjad z 2007 hoda da śniežnia 2010 hoda Alaksandr Varłamaŭ źjaŭlaŭsia dyrektaram PUP „Ahienctva mody Sašy Varłamava“, mastackim kiraŭnikom centra sučasnaha stylu i mody UNIVERSUM MODELS upraŭleńnia pa spravach kultury Biełaruskaha dziaržaŭnaha ŭniviersiteta na hramadskich pačatkach, a zatym načalnikam Centra maładziožnaj mody Biełaruskaha dziaržaŭnaha ŭniviersiteta na hramadskich pačatkach».
«Dziejničajučy niezakonna, z karyślivaj i inšaj asabistaj zacikaŭlenaści, pieravyšajučy svaje słužbovyja paŭnamoctvy, pry kamandziravańni pad jaho kiraŭnictvam biełaruskich delehacyj u krainy Jeŭropy dla praviadzieńnia
prysvoiŭ hrašovyja srodki, vydzielenyja ŭdzielnikam delehacyj na sutačnyja raschody, zrabiŭ značny ŭron pravam i zakonnym intaresam hramadzian»,— paviedamlaje UIHS.
Akramia taho, adznačajecca ŭ paviedamleńni, u pieryjad ź vieraśnia 2009 hoda da śniežnia 2010 hoda Varłamaŭ «z vykarystańniem svaich słužbovych paŭnamoctvaŭ ukraŭ hrašovyja srodki, vydzielenyja BDU dla finansavańnia dziejnaści Centra maładziožnaj mody BDU». «U pryvatnaści, havorka idzie pra kradziež hrašovych srodkaŭ, jakija naličvalisia na imia supracoŭnikaŭ Centra ŭ jakaści zarpłaty», — paviedamlaje UIHS.
Takim čynam, pavodle danych śledstva, ahulny ŭron na siońnia składaje nie mienš čym 700 miljonaŭ biełaruskich rubloŭ. U dačynieńni da Varłamava abranaja miera strymańnia ŭ vyhladzie źmiaščeńnia pad vartu.
Jak paviedamlałasia raniej, dyzajnier byŭ źmieščany pad vartu 20 maja.
7 maja na cyrymonii zakryćcia čarhovaha fiestyvalu «Młyn mody» Varłamaŭ vystupiŭ sa zvarotam da Alaksandra Łukašenki, paprasiŭšy nie zakryvać fiestyval. Jon padkreśliŭ, što nikoli nie zajmaŭsia palitykaj, a tolki dyzajnam adzieńnia.
Paźniej u intervju haziecie «Komsomolskaja pravda» v Biełoruśsii» madeljer zajaviŭ: «Ja stamiŭsia ad taho, što mnie zdradzili ludzi i dziaržava. Ministerstva adukacyi ŭvieś čas sprabuje pastavić mianie na miesca, nie daje ni žyć, ni pracavać. Usie hetyja hady ja zajmaŭsia fiestyvalem tolki tamu, što lublu dyzajnieraŭ, jany mianie natchniajuć, ja mnohamu vučusia ŭ ich. Za apošnija 12 hadoŭ pracy ja nie atrymaŭ ni kapiejki zarpłaty. Ale ja tak bolš nie mahu. Mnie niama na što kuplać pradukty, niama na što žyć».
U abaronu Sašy Varłamava vystupili jaho viadomyja rasijskija kalehi. Jany nie vierać u toje, što ŭ Varłamava byŭ karyślivy namier.
Tak, prezident dabračynnaha fondu «Ruski siłuet», hanarovy člen Rasijskaj akademii mastactva Taćciana Michałkova adznačyła ŭ intervju BiełaPAN: «Ja viedaju Alaksandra Varłamava šmat hadoŭ. Za hetyja hady fiestyval „Młyn mody“ pieratvaryŭsia ŭ mahutny jeŭrapiejski mižnarodny prajekt. Uzrovień maładych biełaruskich dyzajnieraŭ ciapier paraŭnalny z uzroŭniem vypusknikoŭ najlepšych škoł śvietu. Biezumoŭna, heta zasłuha i Alaksandra. Takich apantanych prajektam ludziej vielmi mała».
Michałkova padkreśliła, što «praviadzieńnie takich hłabalnych prajektaŭ nadzvyčaj zatratny i nie zaŭsiody paddajecca dakładnaj buchhałtarskaj spravazdačnaści». «Mahčyma, byli praliki
Akademik Nacyjanalnaj akademii industryi mody RF i Mižnarodnaj akademii sistemnych daśledavańniaŭ Natalla Mizonava, u svaju čarhu, adznačyła: «U SND i va ŭsim śviecie pravodzicca vialikaja kolkaść konkursaŭ maładych dyzajnieraŭ, jakija ŭjaŭlajuć saboj čysta kamiercyjnyja mierapryjemstvy. Uzrovień žury takich konkursaŭ i samich pakazaŭ, jak praviła, vielmi nizki. Mnie viadomyja tolki niekalki „bieskaryślivych“ konkursaŭ i fiestyvalaŭ. „Młyn mody“ — u ich liku».
«Luby konkurs zacikaŭleny ŭ aŭtarytetnym mižnarodnym žury i, zrazumieła, apłačvaje kamandzirovačnyja raschody, jakija možna, jak heta robić bolšaść konkursaŭ, „paviesić“ na ŭdzielnikaŭ i rezka źnizić dastupnaść konkursu, a možna šukać inšyja krynicy. Akazvajecca, što hety vysakarodny matyŭ niebiaśpiečny dla arhanizatara. Mabyć, lepš, kali ŭ konkursie ŭdzielničajuć biazdarnyja dzieci bahatych baćkoŭ», — skazała Mizonava.
Kamientary