Minharvykankam: Situacyja na spažyvieckim rynku stabilizavałasia
Situacyja na spažyvieckim rynku 28 i 29 maja stabilizavałasia. Pra heta zajavili BiełaPAN upres-słužbie Minharvykankama.
Jak śćviardžajuć staličnyja ŭłady, heta paćviardžaje manitory handlovaj sietki, praviedzieny śpiecyjalistami hałoŭnaha ŭpraŭleńnia spažyvieckaha rynku, upraŭleńnia handlu i pasłuh sumiesna z haradskoj sanepidemstancyjaj i administracyjami rajonaŭ.
Za dva dni manitorynham achopleny praktyčna ŭsie charčovyja mahaziny: 28 maja — 600 mahazinaŭ i 29 maja — 310. «Materyjały manitorynhu pakazvajuć, što ažyjatažnaha popytu niama. Popyt na ŭsie tavary (muku, krupu, alej, vocat, makaronnyja vyraby, sol, cukar) charaktaryzujecca jak zvyčajny, jaki adpaviadaje stabilnamu pieryjadu realizacyi», — robić vysnovu
Z ulikam pracy baz AAT «Biełbakaleja», AAT «Minbakalejahandal» nočču 27 maja, baz i choładakambinataŭ u vychadnyja dni 28 i 29 maja za try dni ŭ handlovuju sietku pastaŭlena: cukru — 864 tony, soli — 320 ton, makaronnych vyrabaŭ — 65 ton, aleju — 7 ton, vocatu — 3,4 tys. dał, śvininy — 140 ton, ptuški — 140 ton.
Pavodle infarmacyi Minharvykankama, tavarnyja zapasy ŭ roźničnaj sietcy i arhanizacyjach aptovaha handlu nie źnižany i dazvolać ažyćciaŭlać (biez uliku novaha pastupleńnia) bieśpierabojny handal cukram i sollu na praciahu 30 dzion, mukoj, krupami jačnymi — 25 dzion, alejem — 40 dzion.
Aprača taho, 28 maja praviedziena maštabnaja praca z roźničnymi handlovymi arhanizacyjami pa źnižeńni handlovych nadbavak na tavary impartnaj i ajčynnaj vytvorčaści, z najbolš vysokim uzroŭniem rostu adpusknych cen pastaŭščykami. Infarmavańnie nasielnictva rabiłasia šlacham ukazańnia na ceńnikach staroj i novaj cany, z ulikam jaje źnižeńnia. Za dva dni (28 i 29 maja) na 43 hrupy tavaraŭ źnižany handlovyja nadbaŭki ŭ siarednim na 5–20%. Na krupy ŭ asartymiencie źnižeńnie handlovych nadbavak skłała da 10%, sieladziec — da 12%, kavu, harbatu, impartnuju sadavinu — da 15% i h.d.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary