Vyšejšy haspadarčy sud Minska siońnia pravioŭ pasiedžańnie pa razhladzie kasacyjnaj skarhi Partyi BNF i hramadskaha abjadnańnia BNF na rašeńnie suda ab vyzvaleńni imi ofisu na praspekcie Mašerava.
Na sud źjaviłasia pradstaŭnica ŽREA Savieckaha rajona stalicy, jakomu naležać pravy na hety budynak. BNF nie byŭ pradstaŭleny nikim — nichto z tych asobaŭ, na kaho aformlenyja adpaviednyja dakumienty dla sudu, z roznych pryčynaŭ siońnia nie moh prysutničać u sudovaj zale. Tamu kiraŭnictva BNF źviarnułasia ŭ sud z prośbaju pieranieści pasiedžańnie. Pradstaŭnica ŽREA nie nastojvała na razhladzie pytańnia ŭ adnabakovym paradku.
U vyniku sud vyrašyŭ viarnucca da hetaj spravy ŭ aŭtorak, 21 červienia.
U pamiaškańni na praśpiekcie Mašerava, 8 (raniej vulica Varvašeni, 8), jakoje časta nazyvajuć «siadzibaj BNF», ad 1992 hodu znachodzicca centralny ofis partyi. Naprykancy minułaha hoda z ŽREA Savieckaha rajona ŭ BNF paviedamili, što pamiaškańnie treba vyzvalić. Pakolki BNF admoviŭsia heta zrabić, ŽREA źviarnułasia ŭ sud i pakul vyjhraje pracesy.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary