Fiestyvali hetaha leta

Kudy źjeździć biełaruskamu miełamanu?

17—19 červienia: Ob-La-Ki Ob-La-Ka

Viciebsk praciahvaje tradycyju fiestyvalaŭ, pryśviečanych tvorčaści The Beatles. 17—19 červienia horad Šahała pieraŭtvorycca ŭ anałah Livierpula — u kłubach, Letnim amfiteatry dy i ŭvohule na vulicach budzie hučać muzyka «bitłoŭ». Jak pakazaŭ raniejšy «Bitłz»-fiestyval u Łahojsku, pasłuchać muzyku livierpulskaj čaćviorki źbirajecca mnoha ludziej.

Adziny minus — na kožny kancert treba asobny kvitok.

Śpiecyjalny hość fiestyvalu — rasijski «Akvaryum». Siarod inšych vystupoŭcaŭ — najlepšyja vykanaŭcy «Bitłz» u Biełarusi — hurt The Apples, a taksama ałdovy hurt FLAT, bluzmen Alaksandr Cyhanok.

«Dzirakoł»

Hety ŭkrainski, zaparožski fest niečakana dla ŭsich startavaŭ u 2010 hodzie. Fiestyval niezaležnaj muzyki letaś prajšoŭ dvojčy pry nievialikaj kolkaści hledačoŭ i sabraŭ vielmi cikavych i roznych vykanaŭcaŭ — ad bluzavaha virtuoza Maksa Taŭryčnaha z Kijeva da avanhardystaŭ i lehiendarnaha dnieprapiatroŭskaha bluzmena Sanyča Vołhina. Siarod haściej festu — kultavyja «Umka i Bro».

Data fiestyvalu sioleta pakul nieviadomaja, ale što jon budzie — sumnievaŭ nijakich, treba prosta sačyć za rekłamaj.

I kali vy raptoŭna apynieciesia ŭ Zaparožžy ci na krymskim uźbiarežžy, źjeździć na fiestyval varta — pa ŭzroŭniu niezvyčajnaści i niezaležnaści z «Dzirakołam» nie paraŭnajucca navat «Pustyja Pahorki».

22—24 lipienia: «Basovišča»

Tłumačyć, što takoje «Basovišča», niama patreby — dla biełarusaŭ hety fest pieratvaryŭsia ŭ łakalny anałah lehiendarnaha Vudstoka. Z toj roźnicaj, što Vudstok adbyŭsia adzin raz, i z tych časoŭ jaho imknucca adnavić, a na «Basovišča» možna jeździć štohod. Chedłajniery hetaha hoda — «Niejra Dziubiel», IQ 48 i polski hurt R.U.T.A. Čaho čakać ad fiestyvalu sioleta — taksama nie pytańnie. T

oj, chto traplaŭ tudy choć raz, viedaje: kali i jość u Biełarusi niešta stabilnaje, dyk heta «Basovišča».

11—13 žniŭnia: Sziget

Znakamity jeŭrapiejski fiestyval sioleta prapanuje ščaślivym uładalnikam šenhienskich vizaŭ nastolki šyrokuju prahramu, što ŭźnikaje pytańnie, ci varta jechać kudy-niebudź jašče. Zdajecca, usie: ad Emi Uajnaŭz da Pulp, ad Judas Priest da Cowboy Junkies syhrajuć u Budapiešcie 11—13 žniŭnia.

Praŭda, košt kvitka «kusajecca» — ad 45 da 200 jeŭra, ale mierapryjemstva taho vartaje:

• 0
• 0
• 0
• 0
• 0
• 0
• 0
• 0