Z adkryćciom u siaredzinie vieraśnia dadatkovaj siesii na Biełaruskajvalutna-fondavaj biržy (BVFB) «adnačasova praktyčna całkam spyniajucca apieracyi na mižbankaŭskim valutnym rynku», zajaviŭ pieršy namieśnik staršyni praŭleńnia Nacyjanalnaha banka Biełarusi Mikałaj Łuzhin.
Jak rastłumačyŭ pradstaŭnik Nacbanka ŭ intervju žurnalistam, frahmienty jakoha byli pakazanyja pa biełaruskich telekanałach, takaja miera skiravanaje na toje, kab usie ździełki z zamiežnaj valutaj ažyćciaŭlalisia na BVFB pa adzinym kursie na padstavie popytu i prapanovy.
«Dla taho kab jon (kurs na dadatkovaj siesii.) nie vielmi rezka vyras u paraŭnańni z aficyjnym kursam, buduć zroblenyja dadatkovyja zachady — zaciskańnie popytu na valutu i pavieličeńnie prapanovy», — skazaŭ Łuzhin.
U toj ža čas, adznačyŭ jon, Nacbank budzie ažyćciaŭlać tolki kropkavyja, kanjunkturnyja interviencyi na dadatkovaj siesii.
«Kanjunkturnyja vahańni buduć hasicca interviencyjami Nacbanka. U cełym ža, nie poŭnaściu, ale ŭ asnoŭnym, kurs druhoj siesii budzie vyznačacca popytam i prapanovaj», — adznačyŭ pradstaŭnik Nacbanka. «My imkniemsia ścisnuć rublovuju hrašovuju masu i tym samym skaracić popyt na zamiežnuju valutu», — patłumačyŭ jon.
Pavodle słoŭ pieršaha namieśnika kiraŭnika Nacbanka, dziela raźvićcia hetaj prahramy pryniaty ŭłasny płan dziejańniaŭ. Budzie realizavany šerah mier ekanamičnaha i techničnaha charaktaru, ź jakich rost staŭki refinansavańnia nie adziny.
Jon taksama paviedamiŭ, što z 1 červienia Nacbank poŭnaściu spyniŭ ilhotnaje kredytavańnie, vydaču srodkaŭ na lhotnaje kredytavańnie. «Ciapier my ažyćciaŭlajem tolki standartnaje kredytavańnie kamiercyjnych bankaŭ dla padtrymańnia funkcyjanavańnia płaciežnaj sistemy», — skazaŭ jon.
Minfin, pradoŭžyŭ Łuzhin, taksama «pravodzić mierapryjemstvy pa skaračeńni svaich dziejańniaŭ na hrašovym i finansavym rynku, kab adpaviedna zacisnuć hrašovuju masu». «Usio heta padrychtoŭčyja miery dla ažyćciaŭleńnia niepasrednaha vychadu na adziny kurs», — skazaŭ namieśnik kiraŭnika Nacbanka.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary