Arhanizatary akcyi «Narodny schod» majuć namier zaprasić na mierapryjemstva pradstaŭnikoŭ haradskich administracyj,
paviedamiŭ adzin ź inicyjataraŭ akcyi, staršynia Biełaruskaha prafsajuza rabotnikaŭ radyjoelektronnaj pramysłovaści (REP) Hienadź Fiadynič 8 vieraśnia na
«Narodny schod — pieršy krok da adkrytaha dyjałohu z uładami. My hatovy pravieści mierapryjemstva ŭ adpaviednaści z zakonam. Pahladzim, jak na našu inicyjatyvu adreahujuć ułady», — skazaŭ jon.
Jašče adzin ź inicyjataraŭ akcyi palityk Viktar Ivaškievič adznačyŭ, što, «pierš čym vieści pieramovy z Rasijaj, Jeŭropaj, ułady pavinny pravieści ich z narodam». «Tolki kredyt davieru ŭładam z boku naroda dapamoža vyrašyć ekanamičnyja prablemy», — ličyć Ivaškievič.
Jon taksama paviedamiŭ, što pakul ułady amal nie robiać zachadaŭ, jakija pieraškadžajuć arhanizataram Narodnaha schodu.
Arhanizatary płanujuć pravieści akcyju 8 kastryčnika ŭ 13 hadzin bolš čym u 25 haradach Biełarusi.U Minsku mierapryjemstva pavinna prajści ŭ parku Družby Narodaŭ niedaloka ad płoščy Banhałor. Na Narodnym schodzie płanujecca abmierkavać składanaje ekanamičnaje stanovišča ŭ krainie i vypracavać prapanovy i patrabavańni ŭładam.
Fiadynič taksama paviedamiŭ, što, chutčej za ŭsio, ściahi i transparanty padčas akcyi vykarystoŭvacca nie buduć, bo «heta schod, a nie mitynh». Pavodle mierkavańnia Ivaškieviča, «čym bolšuju kolkaść udzielnikaŭ źbiare akcyja, tym bolš lehitymnymi buduć pryniatyja rašeńni».
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary