«Usio było pastaŭlena na toje, kab pierakanać rasijan, što hałoŭny razburalnik sajuznych adnosin - biełaruski bok». Prezydent Biełarusi miarkuje, što ŭ sprečcy pamiž Biełaruśsiu i Rasiejaj nastaŭ čas i adnamu, i druhomu bakam "astyć dy asensavać padziei".
Prezident Biełarusi Alaksandr Łukašenka ličyć, što ŭ sprečcy pamiž Biełaruśsiu i Rasijaj nastaŭ čas i adnamu, i druhomu bakam «astyć, asensavać padziei, što adbyvajucca, i nie nahniatać abstanoŭku ŭ tym napramku, adkul niemahčyma budzie vyjście». Ab hetym zajaviŭ kiraŭnik dziaržavy siońnia na ŭručeńni dypłomaŭ doktara navuk i atestataŭ prafiesara navukovym i navukova-piedahahičnym rabotnikam.
«Nam heta bojka nie patrebna i nie tamu, što my słabyja, - adznačyŭ Alaksandr Łukašenka. - My hatovy da ŭsiaho i ŭsio vytrymajem».
Pavodle jaho słoŭ, «biełaruski narod ni ŭ čym nie praviniŭsia pierad Rasijaj, my śviata vykonvajem usie damoŭlenaści». «Davajcie čytać dahavor ab stvareńni Sajuznaj dziaržavy, a ŭsio astatniaje - bieletrystyka. Pa dahavoru my pavinny byli pryniać Kanstytucyju i vybrać sajuzny parłamient. Miž tym, hetaha nie adbyłosia. Potym jany nam padkinuli novuju ideju - vaźmicie rasijski rubiel. My sprabavali dabicca ad Rasii, navošta vy heta prapanujecie, kali ŭ vas stolki prablem», - skazaŭ prezident. Pavodle jaho słoŭ, adkaz prosty i vidavočny - «nie kijem, dyk pałkaj namiertva pryciahnuć nas da siabie, kab ja jeździŭ u Kreml, prasiŭ zarpłatu dla svaich ludziej».
«Nam «vykočvali» zaŭsiody toje, što nam było nieprymalna. I kali ŭbačyli, što nas złamać ciažka, tady pačali łamać, prapanujučy ŭvajści ŭ skład Rasii. My nikoli ŭ skład inšaj dziaržavy nie ŭvojdziem», - padkreśliŭ Alaksandr Łukašenka. Biełaruski lider adznačyŭ, što «my absalutna nikomu ničoha nie pavinny, i naša palityka ŭ hetym płanie absalutna prazrystaja».
Prezident skazaŭ, što ŭ bližejšy čas jon na faktach dakaža, što biełaruski narod ni ŭ čym nie praviniŭsia pierad Rasijaj.
Alaksandr Łukašenka pry hetym adznačyŭ: «Kali nas pryciskali pacichu, my ciarpieli, ale zatym nam spačatku ŭ dva razy ŭźniali ceny na haz, praz paŭtara hoda ich pavysili jašče ŭ dva razy i prapanavali kuplać naftu pa toj canie, pa jakoj jana nam nie patrebna».
Prezident pierakanany: «Usio było pastaŭlena na toje, kab pierakanać rasijan, što hałoŭny razburalnik sajuznych adnosin - biełaruski bok».
«Kali nas jašče raz pasprabujuć udaryć pa adčuvalnych miescach, my taksama viedajem hetyja adčuvalnyja miescy i viedajem, dzie ŭdaryć», - skazaŭ Alaksandr Łukašenka.
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam4
Kamientary