Pra heta paviedamiŭ hienieralny dyrektar DA «Minskaja haradskaja žyllovaja haspadarka» Uładzimir Rejentovič 15 lutaha na
U toj ža čas, adznačyŭ jon, u paraŭnańni z 2011 hodam abjom rabot pa kapitalnym ramoncie pamienšycca. «U 2011 hodzie było vykanana 700 tysiač kvadratnych mietraŭ kapitalnaha ramontu. Kryzis adbiŭsia na farmiravańni płanaŭ biahučaha ramontu i kapitalnaha ramontu ŭ cełym u abjomach vykanańnia rabot u hetym hodzie. Tak, było zapłanavana 700 tysiač kvadratnych mietraŭ kapitalnaha ramontu, a pakul pad vydzielenaje finansavańnie my sfarmiravali tolki 600 tysiač kvadratnych mietraŭ. 100 tysiač kvadratnych mietraŭ — heta 20 žyłych damoŭ. Kab było zrazumieła, rastłumaču: da biahučaha ramontu ŭ nas adnosicca toje, što možna vykonvać da 50% abjomu. Kali bolš za 50%, naprykład, nieabchodna zamianić uvieś dach abo inžyniernyja sietki doma, to tady hety budynak užo traplaje ŭ prahramu kapitalnaha ramontu», — raskazaŭ dyrektar.
Jon taksama adznačyŭ, što 311 damoŭ u Minsku vyznačany pad znos.«Farmirujucca prahramy zabudovy ŭčastkaŭ. Hetyja prahramy praduhledžvajuć znos peŭnych žyłych damoŭ. Adnak znos ažyćciaŭlajecca tolki tady, kali źjavicca inviestar, hatovy ŭziać hetuju žyłuju zabudovu. Inviestar abaviazany za svoj košt adsialić hramadzian z doma, vyznačanaha pad znos. Ciapier 311 žyłych damoŭ vystaŭlena na aŭkcyjony dla inviestaraŭ», — zaklučyŭ Rejentovič.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary