Žonka akciora Alaksandra Parachaŭščykova pakončyła z saboj u siamiejnym asabniaku na Arbacie
Jana nie vytryvała ciažkaj chvaroby muža. Žančyna była biez pamiaci zakachana ŭ jaho.
42-hadovaj Irynie Parachaŭščykovaj stała drenna paśla taho, jak lekary staličnaj kliniki nieŭrozaŭ paviedamili joj ab tym, što stan 73-hadovaha aktora pahoršaŭ.Praź niekalki hadzin žančynu znajšli miortvaj u siamiejnym asabniaku ŭ Starakaniušannym zavułku Maskvy.
Pobač ź ciełam była znojdzienaja zapiska "Žyć biez Sašy nie chaču i nie budu... Lublu Sašu i chaču być ź im. Iryna Parachaŭščykova".
Žančyna była biez pamiaci zakachana ŭ muža.
Za niekalki hadzin pierad hibiellu Iryna patelefanavała blizkaj siabroŭcy Volzie, dačce viadomaha akciora Siarhieja Šakurava, i pieradała joj drennyja viestki ź lakarni.
Jana skazała, što pakončyć z saboj, kali z Sašam niešta zdarycca i paprasiła Volhu ŭ takim vypadku zabrać da siabie ich niamieckuju aŭčarku.
-- Paśla našaj apošniaj razmovy Ira pierastała adkazvać na zvanki. Ja nie mahła pakinuć maleńkich dziaciej doma i tamu patelefanavała ŭ milicyju. Ale było ŭžo pozna... Iračku nie paśpieli vyratavać...
73-hadovy Alaksandr Parachaŭščykoŭ niekalki dzion tamu byŭ špitalizavany.Artystu, kachanamu miljonami hledačoŭ va ŭsioj Rasiei, niadaŭna amputavali stupak.
Stan akciora byŭ, siarod inšaha, uskładnieny cukroŭkaj. Paśla byli padazreńni na insult, pnieŭmanija i ciažkoje nieŭrałahičnaje zachvorvańnie.
Žonka akciora Iryna i advakat siamji Siarhiej Žoryn navat źviartalisia da ministra achovy zdaroŭja Rasii Taćciany Holikavaj z prośbaj uziać pad asablivy kantrol situacyju ź lačeńniem. Iryna ličyła, što drenny stan artysta źviazana ź nienaležnym vykanańniem abaviazkaŭ lekarami kliniki.
Pieražyvańni za zdaroŭje muža niehatyŭna adbilisia na stanie samaj Iryny.Niekalki razoŭ ź joj zdaralisia zryvy i isteryki. Siabry siamji, jak mahli, sprabavali dapamahčy. Nie zdoleli.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary