Bambić buduć ci nie buduć?

Žadańnie iranskich uładaŭ stvaryć jadziernuju zbroju stavić Zachad i Izrail pierad ciažkim pytańniem: ci varta raspačynać čarhovuju vajnu na Blizkim Uschodzie?

Iran źjaŭlajecca adnym ź lidaraŭ isłamskaha śvietu: najmacniejšaja haspadarka Siaredniaha Ŭschodu (choć i pabudavanaja na prodažy enierharesursaŭ), mocnaja teakratyčnaja ŭłada, pastajanny ideałahičny kanflikt z Zachodnim Śvietam. Jadziernaja zbroja — adzinaje, čaho nie chapaje na dumku iranskich uładaŭ, kab być supierdziaržavaj.

Iran raspačaŭ svaju jadziernuju prahramu jašče da Isłamskaj Revalucyi, u 1967 hodzie,

Pieraškodzić stvareńniu jadziernaj zbroi moža tolki avijaŭdar pa jadziernych pabudovach Irana.

Iran choć i nie źjaŭlajecca vajennaj supiersiłaj, ale zdolny adkazać nie tolki rehularnymi vojskami, ale i asimietryčna — praz spansaravanyja im palityčnyja siły i terarystyčnyja hrupoŭki (typu «Chamas» i «Chiezbała»).

Taksama nie varta zabyvać, što raniej i toj ža Pakistan nie mieŭ jadziernaj zbroi, što siońnia ŭžo nie vyklikaje nijakich pratestaŭ. U paraŭnańni z Pakistanam, Iran — stabilnaj dziaržavaj. Adnak, mnohija ekśpierty ŭ iranskim vypadku bajacca taho, što iranskija teakratyčnyja ŭłady nie zaŭsiody kirujucca palityčnaj racyjanalnaściu, a relihijaj i ŭ peŭnym momancie mohuć užyć jadziernuju zbroju prosta kab ścierci ź ziamli judziejskuju ci chryścijanskuju cyvilizacyju.

Mienavita tamu asablivuju niebiaśpieku ŭ Iranie bačyć maleńki Izrail.

Izrail, u adroźnieńnie ad ZŠA, maralna hatovy nanieści ŭdary pa jadziernych abjektach Irana, ale baicca akazacca biez padtrymki ZŠA i ES.

Jaki vajenny patencyjał Izraila?

Izrail maje na ŭzbrajeńni samaloty F-15I i F-16I z bombami GBU-28, vaha jakich składaje amal 2,3 tony. Dadzienaja bomba zdolnaja prabić 30 mietraŭ hruntu albo 6 mietraŭ bietonu, što niedastatkova dla taho, kab źniščyć jadzierny abjekt u Fardo (kala Kuma), jaki znachodzicca na hłybini 80 mietraŭ pad ziamloj.

Iranskija ŭłady ciapier aktyŭna ŭzmacniajuć svaje jadziernyja abjekty, kab avijaŭdary nie razburyli ich. Čas pracuje na Iran — niekatoryja ekśpierty miarkujuć, što praź niekalki miesiacaŭ ataka nie budzie mieć sensu.

Napad mahčymy ź niekalkich miescaŭ.

Izrail technična taksama zdolny nanieści svoj udar.

Ad Irana Izrail adździalajuć Ijardanija i Irak, jakija faktyčna nie majuć supraćpavietranaj abarony.

Darečy, izrailcianie ŭ svoj čas razbambili irakski jadzierny reaktar u Baakubie i siryjski atamny centr. Tym samym jany pakłali kres maram Chusejna i Asada pra ŭłasnuju atamnuju bombu. Apieracyi byli raspracavany tak akuratna, što irakskija i siryjskija SPA navat nie paśpieła istotna zreahavać.

Sistema supraćpavietranaj abarony Irana dobra razbudavanaja i pravieranaja ŭ časie irana-irakskaj vajny 1980–1988 hadoŭ, adnak jana davoli sastarełaja. Ciažka prahnazavać, ci adabje jana masavuju ataku sučasnych samalotaŭ. Darečy, pa čutkach Izrail užo navat arandavaŭ zapasnyja aeradromy ŭ Azierbajdžana, na vypadak kali niejkamu samalotu spatrebicca avaryjnaja pasadka.

Zastajecca zahadkaj, ci atrymaŭ Iran ad Rasii naŭprost ci praź Biełaruś samyja sučasnyja kompleksy SPA. Kali mierkavać pa tym, što biełarusaŭ prakinuli na radoviščy Džafiejr, — chutčej, nie.

Pytańnie ŭ tym, jakaja budzie cana bambardziravańnia jadziernych pabudovaŭ Irana — čałaviečaja i palityčnaja.

Jak viadoma, u mižnarodnaj palitycy nie byvaje absalutna pravilnych rašeńniaŭ i sajuźniki buduć vymušanyja abirać mienšaje zło.

• 0
• 0
• 0
• 0
• 0
• 0
• 0
• 0