Žoncy Siarhieja Kavalenki nie dajuć padrabiaznaj infarmacyi pra stan jahonaha zdaroŭja i pra toje, jak jon vychodzić z haładoŭki.
16 krasavika Alena Kavalenka razmaŭlała praz telefon ź lekaram z psychijatryčnaj lakarni ŭ Navinkach, dzie trymajuć jaje muža Siarhieja Kavalenku. Adnak infarmacyi pra stan jahonaha zdaroŭja vielmi mała, kaža Alena Kavalenka:
«Siońnia razmaŭlała, ale ničoha padrabiazna nie raspaviadaje. Kaža, što jeść, i ŭsio. Nakont lačeńnia taksama mała źviestak. U minułuju piatnicu jaho ahladaŭ terapeŭt i neŭrolah. Ale ja nie pierakananaja, što jon narmalna tam vychodzić z haładoŭki. Stała viadoma, što jamu byccam niešta i miasnoje ŭžo davali, ale, jak ja viedaju, heta zarana. Lekar padrabiaznaściaŭ nie raspaviadaje, skazaŭ, što nielha. Acenki takija daje aściarožnyja, akuratnyja».
Pavodle Aleny Kavalenki, lekar nie nazvaŭ vahu Siarhieja — nibyta tamu, što jaho jašče nia ŭzvažvali. Kali Alena prapanavała pieradać mužu ŭ lakarniu błender, kab drabnić ježu, joj admovili.
Alena Kavalenka nie čakaje, što nieŭzabavie paśla vyzvaleńnia Sańnikava i Bandarenki da lepšaha źmienicca i los jaje muža. «Jaho sprava — asablivaja», — miarkuje žonka aktyvista KCHP-BNF.
Kamientary