Kiraŭnik Śledčaha kamiteta Valeryj Vakulčyk raskazaŭ niekatoryja padrabiaznaści najbolš rezanansnych kryminalnych spravaŭ.
Tak, sprava byłoha namieśnika ministra ŭnutranych spravaŭ Jaŭhiena Południa ŭ sud trapić jašče nie chutka.
«Vielmi šmat pracy ŭžo praviedziena, i niamała jašče čakajecca. Reč u tym, što tam vielmi šmat epizodaŭ, jakija śviedčać pra jaho złoŭžyvańni, — skazaŭ Valeryj Vakulčyk u intervju «Savieckaj Biełarusi». — Šerah epizodaŭ faktyčna ŭžo dakazany, ich choć ciapier možna pradstaŭlać u sud, ich dastatkova dla asudžeńnia. Ale jość jašče niekalki napramkaŭ jaho niezakonnaj dziejnaści, rasśledavańnie pa jakich uskładniajecca tym, što šerah śviedkaŭ časova znachodziacca za miažoj.
— Niedachop infarmacyi pa hetaj i inšaj spravach sparadžaje roznyja čutki i plotki, jakija paźniej daviadziecca abviarhać. Ci nie praściej raskazać, u čym kankretna vinavaty były namieśnik ministra?
— Pakul havaryć pra heta rana, heta moža pieraškodzić śledstvu. Karotka skažu, što jon addavaŭ rasparadžeńni i prymaŭ rašeńni, jakija vychodziać za ramki jaho paŭnamoctvaŭ, pryčym rabiŭ heta ŭ asabistych metach i ŭ parušeńnie zakona. I atrymlivaŭ za heta niezakonnyja uznaharody.
Što da spravy staršyni naziralnaj rady «Technabanka», namieśnika staršyni
«Užo hučała ŭ dačynieńni da jaho infarmacyja — tolki niaznačnaja častka vyjaŭlenych złoŭžyvańniaŭ i kradziažoŭ, — skazaŭ hałoŭny śledčy krainy. — Zbor dokazaŭ faktyčna zavieršany, spravu možna było b nakiroŭvać u sud, ale ŭ pracesie rasśledavańnia vyjaŭleny jašče šerah złačynstvaŭ, škoda ad jakich idzie na sotni tysiač dalaraŭ. Zusim chutka zmožam raskazać bolš».
Sprava madeljera Sašy Varłamava, naadvarot, zaciahvajecca.
«Sprava jasnaja, zrazumiełaja, tam niama nijakich składanaściaŭ. Ciapier zakančvajecca bujnaja revizija, užo vyśvietlena, što naniesienaja Varłamavym škoda składaje kala 1 miljarda rubloŭ. Adzinaja prablema zaklučajecca ŭ vialikaj kolkaści paciarpiełych. Jon źbiraŭ hrošy ŭ sotniaŭ ludziej, dzieci jakich zajmalisia ŭ hetym ahienctvie. Treba akramia praviadzieńnia haspadarčych revizij nieadnarazova dapytać kala 300 čałaviek. Dumaju, nam spatrebicca jašče niekalki miesiacaŭ, kab zaviaršyć hetuju pracu i nakiravać spravu ŭ sud», — skazaŭ Valeryj Vakulčyk.
Kiraŭnik Iŭdziejskaha relihijnaha abjadnańnia Juryj Dorn taksama pakul nie dačakaŭsia dobrych navin.
«Pa vynikach praviedzienaj pracy adnaznačna prahledžvajecca skład złačynstva z prykmietami kradziažu z vykarystańniem słužbovaha stanovišča, — paviedamiŭ kiraŭnik Śledčaha kamiteta. — Znojdziena kala 10 kiraŭnikoŭ pradpryjemstvaŭ, jakija pieradavali Dornu chabar. Jość śviedčańni taho, jak hetyja hrošy maskiravalisia lipavymi dakumientami. Naniesienaja škoda relihijnamu abjadnańniu, jaho siabram».
Akramia taho, u Śledčym kamitecie nie vyklučajuć, što chutka biełaruskija śledčyja buduć sprabavać sustrecca z zasnavalnikam finansavaj piramidy MMM Siarhiejem Maŭrodzi.
«Dziejańni piaci zatrymanych čałaviek całkam padpadajuć pad našaje kryminalnaje zakanadaŭstva, choć treba skazać, što imi byŭ pradumany daskanały ałharytm unikańnia adkaznaści, pryčym z ulikam jurydyčnych tonkaściaŭ u roznych krainach, dzie jany sprabavali pracavać. Tym nie mienš, abhruntavanaść abvinavačańniaŭ u ich adras nie vyklikaje sumnievaŭ, — skazaŭ Valeryj Vakulčyk.
— Ci źbirajucca biełaruskija śledčyja dapytać hałoŭnaha budaŭnika piramidy — Siarhieja Maŭrodzi?
— Kali atrymajem realnyja dokazy jaho ŭdziełu ŭ dziejańniach našych arhanizataraŭ «MMM», to paŭstanie pytańnie ŭžo nie pra dopyt, a pra pryciahnieńnie Maŭrodzi da kryminalnaj adkaznaści. Ale pakul pra heta kazać rana.
Kamientary