Takoje rašeńnie źmiaščajecca ŭ pastanovie Savieta Ministraŭ № 492 ad 30 maja 2012 hoda.
Ekspartnaja pošlina na naftu z 1 červienia zhodna z dakumientam źnižana z $448,6 da $419,8 za 1 t. Adzinaja staŭka ekspartnaj pošliny na śvietłyja i ciomnyja naftapradukty (akramia bienzinu), jakaja z 1 kastryčnika 2011 hoda ŭnifikavana na ŭzroŭni 66 pracentaŭ pošliny na naftu, z 1 červienia składzie $277 za 1 t suprać $296 za 1 t u mai 2012 hoda. Takaja ž pošlina ŭstanoŭlena na bienzoł, tałuoł, ksiłoły. Na tavarnyja bienziny i pramahonny bienzin staŭka vyvaznych mytnych pošlin zychodziačy z kaeficyjenta 0,9 składaje $377,8 zamiest $403,7 za 1 t u mai. Razam z tym pošlina na prapan, butany, etylen, prapilen, butylen i butadyjen, inšyja zvadkavanyja hazy pavysiłasia sa $196,6 da $237,1.
Pastanovaj uniesieny źmianieńni ŭ pastanovu Savieta Ministraŭ № 1932 ad 31 śniežnia 2010 hoda «Ab ustanaŭleńni stavak vyvaznych mytnych pošlin u dačynieńni da nafty syroj i asobnych katehoryj tavaraŭ, vypracavanych z nafty, i pryznańni straciŭšymi siłu niekatorych pastanoŭ Savieta Ministraŭ Respubliki Biełaruś». Dakumient pryniaty ŭ adpaviednaści z ukazam № 716 ad 31 śniežnia 2010 hoda «Ab staŭkach vyvaznych mytnych pošlin».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2626
Kamientary