CHK «Dynama» prosić pryciahnuć da adkaznaści redaktara «Priessboła»
Bieražkova mohuć abvinavacić u paklopie.
Hienieralny dyrektar chakiejnaha kłuba «Dynama» (Minsk) Alaksiej Torbin padaŭ zajavu ŭ prakuraturu Frunzienskaha rajona Minska z prośbaj pryciahnuć da kryminalnaj adkaznaści hałoŭnaha redaktara spartyŭnaj haziety «Priessboł» Uładzimira Bieražkova.
Padstavaj dla zvarotu pasłužyła apublikavanaje 21 maja intervju Bieražkova «BiełHazietie» pad nazvaj «Hrošy zaściłajuć vočy».U materyjale havorka išła pra nieracyjanalnaje, na dumku žurnalista, vykarystańnie srodkaŭ, što vydzialajucca na raźvićcio chakieja, u tym liku minskaha «Dynama».
Torbin abvinavaciŭ hałoŭnaha redaktara ŭ raspaŭsiudžvańni zaviedama niepraŭdzivaj infarmacyi i paklopie,jaki zhodna z č. 2 art. 188 Kryminalnaha kodeksa karajecca štrafam abo papraŭčymi rabotami na termin da dvuch hadoŭ, abo aryštam na termin da šaści miesiacaŭ, abo abmiežavańniem voli na termin da troch hadoŭ.
Hiendyrektar «Dynama» inkryminuje Bieražkovu frazy: «U „Dynama“ jość biudžet kala 25 młn. dołaraŭ, i raśpiłavać jaho — zadača padśviadomaja, jakaja mimavoli daminuje nad usimi astatnimi. Hrošy ž nie svaje — ich treba chucieńka asvoić» i «U kirujučyja koły nie ŭvachodžu, ale, mahčyma, znoŭ prahučać hučnyja słovy nakont taho, što „šajbu treba łavić zubami“, „addavać siabie poŭnaściu“, „kroŭ z nosu“ i h.d.Patrasuć pavietra, supakojacca, a potym u „Dynama“ znoŭ budzie kali nie 15 lehijanieraŭ, to nie mienš čym 10. Sistema prajadańnia nie źmienicca. Navat u pieryjad letašniaha kryzisu ŭsie zastalisia pry svaim. Moža, hrošaj mienš stała, ale
27 červienia Bieražkoŭ daŭ tłumačeńni va UUS Maskoŭskaha rajona. Jon padkreśliŭ, što razmova idzie ab sistemie, i čamu «Dynama» prymiaraje situacyju vyklučna na siabie, jamu nieviadoma.
«Zajava z prośbaj pryciahnuć mianie da adkaznaści źjaviłasia nie raptam. Heta praciah dziaviataha vału, jaki nakatvajecca na hazietu, — zajaviŭ BiełaPAN Bieražkoŭ. — Usio pačałosia jašče viasnoj, kali „Priessboł“ pierastali puskać na mierapryjemstvy, jakija arhanizuje kłub. Maje sproby dazvanicca kiraŭnikam „Dynama“ byli biespaśpiachovymi. Ja napisaŭ list z prośbaj abhruntavać admovy ŭ akredytacyi, bo takija dziejańni źjaŭlajucca parušeńniem zakona ab ŚMI. Praź miesiac pryjšoŭ adkaz ad Torbina, jaki paviedamiŭ, što my publikujem niedakładnuju infarmacyju, jakaja zakranaje honar, hodnaść i dziełavuju reputacyju kłuba, ale kankretnych prykładaŭ nie pryvioŭ. Try dni tamu ja nakiravaŭ listy kožnamu členu naziralnaha savieta „Dynama“, u tym liku ministru sportu Kačanu, pamočniku prezidenta pa sporcie Zaičkavu, hiendyrektaru „
Bieražkoŭ taksama adznačyŭ, što ŭ redakcyju ź Ministerstva infarmacyi dvojčy — 28 maja i 27 červienia — pastupili listy, padstavaj dla jakich stali skarhi kłuba na publikacyi ŭ haziecie.
«U pieršym vypadku skardzilisia na aniekdoty, i Mininfarm zapatrabavaŭ prysłać hazietu z abviaržeńniem i prabačeńniem.Ale my pradstavili svaje dovady — ich ministerstva pryniało. U druhim vypadku nas prosiać prysłać paćviardžeńnie infarmacyi, na jakuju na piaci listach skardzicca kłub. Budziem rychtavać arhumientavany adkaz», — paviedamiŭ hałoŭny redaktar vydańnia.
«Pa ŭsim bačna, što chtości razyšoŭsia va ŭsiu i niekalki ahanizuje, — zajaviŭ Bieražkoŭ. — Bo apublikavanyja ŭ „Priessbole“ materyjały ab stanie spraŭ u biełaruskim chakiei — heta faktyčna pryhavor. Administracyjnaha resursu ŭ hetych ludziej niamierana. Ale heta nie adkazvaje na hałoŭnaje pytańnie: jak raschodujucca hrošy? Čamu lvinaja ich dola idzie na lehijanieraŭ, a naša zbornaja druhi hod zapar zajmaje
Bieražkoŭ vykazaŭ nierazumieńnie, čamu kłub nie zachacieŭ skarystać staronki haziety dla vykładańnia svajoj pazicyi.
My nie źbirajemsia pieratvarać hazietu ŭ bałahan i pole bitvy. Kali kłub źvierniecca da nas — my hatovy pačać z čystaha lista. Kali vajna — budziem abaraniacca ŭsimi zakonnymi sposabami», — skazaŭ Bieražkoŭ.«Za 22 hady, što vydajecca hazieta, nazapašany vialiki vopyt „vajennych dziejańniaŭ“. „Priessboł“ praciahvaje vychodzić, zatoje „padbitych lotčykaŭ“ — cełyja mohiłki.
Alaksiej Torbin zajaviŭ tut.by, što zvarot kłuba ŭ pravaachoŭnyja orhany źviazany z «paklopnickimi zajavami Uładzimira Bieražkova ab „adkatach“ i „raśpiłach“ u kłubie». «Ličym pravilnym źviarnucca ŭ kampietentnyja orhany. Niachaj jany praviaduć adpaviednuju pravierku i prymuć miery pa pryciahnieńni Bieražkova za paklop da ŭstanoŭlenaj zakonam adkaznaści. Ličym, što heta absalutna cyvilizavanaja forma pavodzinaŭ kłuba ŭ takoj situacyi», — skazaŭ hiendyrektar «Dynama».
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho5
Kamientary