Alaksandr Łukašenka pavinšavaŭ biełaruski narod z Dniom Niezaležnaści, jaki na aficyjnym uzroŭni adznačajecca 3 lipienia.
Darahija suajčyńniki!
Sardečna vinšuju vas z Dniom Niezaležnaści Respubliki Biełaruś i 68-j hadavinaj vyzvaleńnia našaj krainy ad niamiecka-fašysckich zachopnikaŭ.
Hłyboka simvalična, što biełaruski narod mienavita hetyja dźvie daty nieparyŭna źviazaŭ razam.
My pomnim, što Vialikaja Pieramoha była zdabyta nievierahodnym napružańniem sił, apłačana žyćciom miljonaŭ suhramadzian. Svajoj hieraičnaj baraćboj našy baćki i dziady vyratavali rodnuju ziamlu ad zaniavoleńnia i adradzili jaje z ruin, adstajaŭšy prava na mirnaje žyćcio. I ciapierašniaje pakaleńnie źjaŭlajecca dastojnym pradaŭžalnikam słaŭnych tradycyj minułaha.
Biełaruś prajšła niaprosty šlach dziaržaŭnaha budaŭnictva, ekanamičnaha i sacyjalnaha raźvićcia i zaniała dastojnaje miesca ŭ mižnarodnaj supolnaści. My zachoŭvajem namiečanyja tempy ekanamičnaha rostu, zabiaśpiečvajem sacyjalnuju abaronu našym hramadzianam, pradaŭžajem dobraŭparadkavańnie rodnaj krainy. I zrobim usio, kab naša maładaja dziaržava była mocnaj i kvitniejučaj.
U hety śviaščenny dla kožnaha z nas dzień ščyra žadaju ŭsim ščaścia, dabra, zdaroŭja i pośpiechaŭ u pracy na karyść lubimaj Radzimy.
Prezident Respubliki Biełaruś Alaksandr Łukašenka, 3 lipienia 2012 hoda.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary