U Biełarusi zakrytyja 22 zony adpačynku
U Biełarusi zakrytyja 22 zony adpačynku, jakija nie adpaviadajuć epidemijałahičnym kryteryjam biaśpieki abo znachodziacca ŭ niezdavalniajučymsanitarna-techničnym stanoviščy.
Jak paviedamlaje aficyjny sajt Respublikanskaha centra hihijeny, epidemijałohii i hramadskaha zdaroŭja, zabaroniena kupańnie ŭ Dniapry na plažy, va ŭročyščy Padyzvoz u haradskim pasiołku Łojeŭ Homielskaj vobłaści i ŭ voziery ŭ ahraharadku Hurnafiel Ščučynskaha rajona Hrodzienskaj vobłaści.
Zakryty 10 zon adpačynku vodnych abjektaŭ. U Bresckaj vobłaści heta plažy sanatoryja «Nadzieja»; pradpryjemstva «Sanatoryj «Buh» na race Muchaviec nasuprać bazy adpačynku AAT «Brescki pančošny kambinat»; plažy na race Čakva ŭ vioscy Rubiel Stolinskaha rajona; na race Lasnaja ŭ Kamiancy; na race Viedźma horada Lachavičy. Taksama zakryty plažy pa vulicy Kastryčnickaj revalucyi ŭ Breście, a taksama na race Ščara ŭ vioscy Darava Lachavickaha rajona i na voziery Ołtuš Małaryckaha rajona. U Hrodzienskaj vobłaści byŭ zabaronieny adpačynak na plažy na voziery Jubilejnaje ŭ Hrodnie i na plažy «Centralny» raki Nioman Hrodna.
Abmiežavana kupańnie dziaciej u 10 zonach adpačynku. U Bresckaj vobłaści heta plažy zony adpačynku na voziery Vizžar i na race Muchaviec u Žabincy; na plažach «Centralny» i «Uschod» u Breście. U Homielskaj vobłaści zakryty plažy «Centralny», «Voziera Lubienskaje», «Zachodni», «Kaściukoŭski» i «Navabielicki» Homiela. U Hrodzienskaj vobłaści zabaroniena kupańnie na plažy na voziery Małočnaje vioski Parečča Hrodzienskaha rajona.
Kamientary