Čamu ŭ histaryčnaj niaśvižskaj plabanii razburyli kałony? - fota
Raźbiraŭsia karespandent NN.
Hety budynak niesumnienna pamiatajuć tyja, chto byvaŭ u Niaśvižy.
Plabanija staić pa darozie ŭ Radziviłaŭski pałac, nasuprać farnaha kaścioła Božaha Cieła.Vyłučaŭ jaje siarod inšych zbudavańniaŭ dašok nad hankam. A dakładniej — čatyry simpatyčnyja pukatyja kałony, što jaho trymali.
Tyja «kalumny» nadavali plabanii staraśviecki vyhlad. Tak i ŭjaŭlałasia, jak miascovaja šlachta, idučy da kaścioła, kivała na tyja kałony: «A jak ža! I my ž pachodzim z Ryma! Ad Palamona!»
Tych, chto pryjazdžaŭ niadaŭna ŭ Niaśviž, padzivicca na novaadčynieny pałac, čakaŭ siurpryz: hanak plabanii z porcikam i kałonami źbity całkam.
«Pa apošnich źviestkach, jakija my atrymali, u plabanii byŭ mahutny porcik nakštałtu vonkavaj łodžyi ci partała, jak u budynka nasuprać pomnika Symonu Budnamu. — raskazvaje hałoŭny architektar prajekta Siarhiej Druščyc. —Ciapier
my abirajem varyjant, pa jakim budzie adrestaŭravany budynak — całkam aŭtentyčny ci sproščany porcik. Heta zaležyć ad finansaŭ — hrošy nam vyłučaje kaścioł.Adnaŭlać my tak ci inakš budziem pa samych starych fota.
Kałony aŭtentyčnymi nie byli — heta našmat paźniejšaja pierabudova. Da taho ž, kałony byli ŭ avaryjnym stanie, aktyŭna asypalisia — la ich było niebiaśpiečna chadzić, jany pachililisia».
Plabanija — adnahodka zamka i kaścioła. Jana była ŭźviedzienaja ŭ XVII st. pa zahadzie Mikałaja Radziviła Sirotki. Tut žyŭ ksiondz, byli pakoi dla pilihrymaŭ, biblijateka i parafijalny archiŭ ź mietrykami. U pačatku XIX st. u plabani kvataravali rasijskija aficery, paźniej
budynak pierarablali, u vyniku čaho plabanija, zbudavanaja ŭ styli baroka, nabyła kłasicystyčnyja rysy. Mahčyma, tady i źjavilisia abapał uvachodu tyja bočkapadobnyja kałony.U saviecki čas tut była drukarnia, tolki ŭ 2007 plabaniju pieradali kaściołu.
«Ciapier iduć pracy ŭ cokali budynka, adnaŭlajecca drenažnaja sistema. — kaža namieśnik staršyni rajvykankama pa budaŭnictvie i pytańniach horada Michaił Afanasik. — Što tyčycca frantona, to
ŭsio, što my robim, uzhadniałasia ŭ Ministerstvie kultury sa spadarom Iharam Čarniaŭskim. Tamu pra rujnavańnie havorka nie idzie. Budynkam plabanii ciapier zajmajecca Kaścielny kamitet,jakomu my pieradali budynak».
-
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
-
Niepadalok ad płoščy Pieramohi ŭ niezvyčajnym domie pradajecca kvatera z sadam pad voknami i miescam dla barbiekiu
-
Pravieryć košt kvatery anłajn možna ciapier nie tolki ŭ Minsku
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary