Dvuchrazovy siarebrany pryzior Alimpijady ŭ Łondanie biełaruskaja płyŭčycha Alaksandra Hierasimienia pryznałasia, što spadziavałasia na załatyja ŭznaharody na abiedźviuch dystancyjach.
«Ja i tam, i tam imknułasia zaniać pieršaje miesca, bo kamu ž nie chočacca mieć alimpijskaje „zołata“. Ale ja rada svajmu „sierabru“, dvajnomu „sierabru“. U našym vidzie sportu vynik nie moža być nieabjektyŭnym, ty dakranuŭsia da borta i imhnienna bačyš vynik. Tak što tut niama pra što razvažać», — zaznačyła Hierasimienia, jakaja viarnułasia 6 žniŭnia ŭ Minsk.
Spartsmienka vyjhrała «sierabro» na dystancyi 50 i 100 mietraŭ volnym stylem.
Pavodle słoŭ płyŭčychi, jakaja źjaŭlajecca čempijonkaj śvietu, alimpijskija ŭznaharody nielha paraŭnać ź miedalami płanietarnych pieršynstvaŭ.«Alimpijadu naohuł ni z čym paraŭnać nielha. Heta absalutna inšyja emocyi, inšyja niervy, pieražyvańni. Roznyja spabornictvy pa ŭzroŭni», — padkreśliła Hierasimienia.
Jana zaznačyła, što ŭ biełaruskaj alimpijskaj delehacyi panavała napružanaje stanovišča:«Ja bačyła heta pa ŭsich. Navat u samoj vioscy stanovišča była bolš napružanaje, čym heta było čatyry hady tamu ŭ Piekinie. Usie niejkija byli zacisnutyja. Adčuvałasia, što vielmi surjozna ŭsie nastrojeny».
Razvažać na temu, ci było heta źviazana z vysokim miedalovym płanam, pastaŭlenym spartyŭnym kiraŭnictvam krainy pierad zbornaj (25 miedaloŭ), Hierasimienia nie stała.
-
Ispanija stała pieršym finalistam čempijanatu śvietu. Francyja zrynutaja
-
Kryścina Cimanoŭskaja raskazała pra Niedasiekava, jaki nie moža na jaje zabycca, i pracu na «Biełsat» pa-biełarusku
-
Dzieviać krain Jeŭropy prapanavali pazbavić MAK i mižnarodnyja fiederacyi, jakija adnavili rasijan, finansavańnia ES
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary