«Pastaŭlena zadača za hod adrehulavać hety praces».
Alaksandr Łukašenka pastaviŭ zadaču razhledzieć nieabchodnaść skaračeńnia naboru ŭ VNU. Pra heta jon raspavioŭ siońnia žurnalistam paśla naviedvańnia fakulteta mižnarodnych adnosin BDU.
«Pastaŭlena zadača za hod adrehulavać hety praces. Heta budzie bolš sumlenna pierad ludźmi — nabirać stolki studentaŭ, kolki nam nieabchodna. Tamu na praciahu hetaha hoda ŭ spakojnaj abstanoŭcy my prymiem adpaviednaje rašeńnie», — skazaŭ jon.
Alaksandr Łukašenka źviarnuŭ uvahu na toje, što płata za navučańnie nie maleńkaja ŭ Biełarusi, adnak «daloka nie taja, jakaja navat u Rasii, inšych dziaržavach».
Jon pastaviŭ zadaču padrychtavać spravazdaču, kolki vypusknikoŭ univiersiteta pracaŭładkoŭvajecca.«Dajcie mnie hetyja dadzienyja, kali jany jość. A tak my možam pieratvarycca ŭ zvyčajnuju kuźniu. Heta hramadzianie Biełarusi, heta studenty, jakija atrymali adukacyju, i dla taho, kab zrabić vysnovy: stolki nam treba studentaŭ, bolš, mienš — my pavinny bačyć karcinu. Ale biez usialakich naciažak: niama pracy — značyć, niama, jość — značyć, jość», — skazaŭ jon.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik23
Kamientary