Kali na minułym tydni palaki va ŭsioj krainie ciešylisia z taho, što futbolny čempijanat Eŭropy ŭ 2012 hodzie adbudziecca ŭ Polščy, na stadyjonie Dziesiacihodździa, adnym z samych vialikich bazaraŭ Eŭropy, kudy zamiest vakzału prychodzili aŭtobusy ź Biełarusi, zapanavaŭ smutak.
Varšaŭskija ŭłady vyznačyli termin zakryćcia staličnaha stadyjonu Dziesiacihodździa — adnaho z samych vialikich bazaraŭ Eŭropy. Na stadyjon pa tavary pryjaždžali i pryjaždžajuć tysiačy zamiežnikaŭ — u tym liku i biełarusaŭ.
Kali na minułym tydni palaki va ŭsioj krainie ciešylisia z taho, što futbolny čempijanat Eŭropy ŭ 2012 hodzie adbudziecca ŭ Polščy, na stadyjonie Dziesiacihodździa zapanavaŭ smutak — tysiačy handlaroŭ zrazumieli, što plany pabudavać na hetym miescy vializny sučasny Nacyjanalny stadyjon, na jakim naładziać adkryćcio čempijanatu, sapraŭdy stanuć realnaściu.
Mer Varšavy Hanna Hrankievič‑Valc vykazała z hetaj nahody aptymizm:
«Ja ščaścivaja i ciešusia z hetaj nahody — da 2012 hodu Varšava budzie vialikim horadam. My pabudujem Nacyjanalny stadyjon, jašče adnu liniju metro. Za pracu!»
Handlaroŭ sa stadyjonu painfarmavali ab tym, što jany mohuć pracavać na hetym miescy tolki za 30 červienia i zaprapanavali 7 inšych miescaŭ, kudy možna pieranieści svaje namioty, ale heta, pavodle ichnych słovaŭ, užo nia budzie taki samy handal.
«Sprava ŭ tym, što času, jaki nam dali, kab pieranieści svoj biznes, niašmat. Akramia hetaha ja užo vielmi źviazany z hetym miescam — 17 hadoŭ tut handluju. Nia tolki ŭ Polščy, a i va ŭsioj Eŭropie viedajuć naš stadyjon. Nia dumaŭ jašče, što ciapier budu rabić», — kaža adzin z handlaroŭ.
Miž tym nia tolki ŭłady, ale i, pavodle apytańniaŭ, bolšaść žycharoŭ polskaj stalicy ličać, što vializny bazar amal u centry Varšavy napeŭna nie ŭpryhožvaje horad.
Stadyjon — heta jašče i aŭtavakzał, kudy pryjaždžajuć aŭtobusy taksama i ź Biełarusi — Bieraścia, Pinsku, Baranavičaŭ.
Fota Jerzy Gumowski / AG
Ciapier čytajuć
Były ministr kultury Rusłan Čarniecki znajšoŭ sabie padpracoŭku5
Kamientary