Ukrainka ŭ invalidnym vazku ahaliłasia dla mužčynskaha časopisa — fotarepartaž
Upieršyniu va Ukrainie dziaŭčynaj z vokładki mužčynskaha hlancu stała madel, jakaja pierasoŭvajecca na invalidnym vazku.
Nietypovaja madel Jula Kaźluk pryznałasia, što zrabiła heta dla dobraj spravy.Fotazdymki z aholenaj kijaŭlankaj raspaŭsiudziŭ u listapadzie adzin mužčynski časopis.
«Ja viedaju, što ja heta rabiła nie dla svajho pijaru, i nie dla taho, kab spakušać mužčyn.
Žančyny ź invalidnaściu zasłuhoŭvajuć uvahi, i jany ničym nie horšyja za inšych žančyn», — kaža niestandartnaja madel.
Try hadziny zdymak Jula praviała pad adkrytym niebam u kijeŭskim muziei Pirahova. Dziaŭčyna ŭpieršyniu ŭ žyćci paziravała bieź bializny. Zdymki byli biaspłatnymi i dla adzinokich žančyn na vazkach.
Jula nie chodzić ŭžo šeść hadoŭ — paśla taho, jak u DTZ atrymała pierałom chrybietnika.Pra minułaje dziaŭčyna nie choča zhadvać. Z tych časoŭ jaje žyćcio kardynalna źmianiłasia. Jula raźviałasia, uznačaliła fond dla ludziej z abmiežavanymi mahčymaściami, pačała šmat padarožničać.
A niadaŭna dziaŭčyna pieramahła ŭ konkursie pryhažości dla žančyn ź invalidnaściu.
Kali ž joj prapanavali raspranucca pierad kamierami, Jula vahałasia dva dni, chvalavałasia, što padumajuć blizkija. Raiłasia jana tolki z žanichom Vadzimam.
Para razam užo dva hady, paznajomilisia jany ŭ fondzie. Niadaŭna ŭ Paryžy jon pryznaŭsia ŭ kachańni. I, miarkujučy pa tym, što zdymki dla časopisa
Dy i naohuł, jak pryznaŭsia Vadzim, jon učynkam kachanaj hanarycca.Adnak na pytańnie, ci zmoža Jula ŭ budučyni ahalicca pierad kamieraj całkam, para adkazvaje admoŭna.
Jula vieryć, što jaje prykład prymusić siabrovak pa niaščaści źmianić svajo staŭleńnie da prablemy, a značyć i žyćcia — da lepšaha.
«Ja ščaślivaja, u mianie ŭsio vydatna. Viadoma, nie skažu, što mianie zadavalniaje, što ja siadžu ŭ vazku. Heta nikoha nie moža zadavalniać. Ale heta nie padstava pierakreślić svajo žyćcio…Treba ruchacca dalej, vieryć, žyć, imknucca, žyć naroŭnicu», — zapeŭnivaje pryhažunia…
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2626
Kamientary