Inicyjatyva «Eŭrapiejski hod roŭnych mahčymaściaŭ» stanovicca aficyjnym partneram konkursu «Eŭrabačańnie»
Inicyjatyva «Eŭrapiejski hod roŭnych mahčymaściaŭ» stanovicca aficyjnym partneram konkursu «Eŭrabačańnie»
Pra heta paviedamlajecca ŭ specyjalnym paviedamleńni Eŭrapiejskaj Kamisii, raspaŭsiudžanym 24 krasavika.
Pa słovach Uładzimiera Špidły, Kamisara pa spravach zaniataści, sacyjalnych pytańniaŭ i roŭnaści mahčymaściaŭ, konkurs — heta cudoŭnaja mahčymaść «papularyzacyi pieravahaŭ [kulturnaj i sacyjalnaj] raznastajnaści ŭva ŭsioj Eŭropie».
Padčas praviadzieńnia konkursa, jaki projdzie z 5 pa 12 traŭnia 2007 h. u Chielsynki, Inicyjatyva «Eŭrapiejski hod roŭnych mahčymaściaŭ» planuje šerah ułasnych infarmacyjnych i zabaŭlalnych akcyjaŭ, što buduć infarmavać hramadianaŭ EZ pra prava na roŭnaje staŭleńnie.
U pryvatnaści, u specyjalnym pasialeńni dla ŭdzielnikaŭ i haściej konkursu Inicyjatyva raźmieścić svoj paviljon, jaki budzie ŭtrymlivać prostuju i dastupnuju infarmacyju pra mahčymaści baraćby z dyskryminacyjaj u EZ. Taksama zaplanavanaja specyjalnaja pres‑kanferencyja, jakuju naviedajuć niekalki ťsiačaŭ žurnalistaŭ z usich krainaŭ Eŭropy.
2007 hod byŭ nazvany «Eŭrapiejskim hodam roŭnych mahčymaściaŭ dla ŭsich». U ramkach inicyjatyvy prachodziać sotni padziejaŭ uva ŭsich krainach EZ, što infarmujuć hramadzianaŭ EZ pra pravy na roŭnaje staŭleńnie i niedyskryminacyju.
Fokusam inicyjatyvy jość baraćba z dyskryminacyjaj na padstavie rasavaha albo etničnaha pachoždańnia, połu, relihii i vieravyznańnia, fizyčnych niedachopaŭ, uzrostu ci seksualnaj aryjentacyi.
Pravavyja normy EZ, što rehulujuć pytańni niedyskryminacyi, adnyja z samych prahresyŭnych u śviecie. U toj ža čas, zhodna z daśledvańniami Eŭrabarometra, tolki treciaja častka eŭrapiejcaŭ viedajuć pra svaje pravy na roŭnaje staŭleńnie.
Kamientary