Śledztva sprabavała dakazać, što ŭ pratakole pasiedžańnia savietu AHP pa vyłučeńni jaho kandytam u deputaty Alaksandar Bułaŭkin padrabiŭ podpis adnaho ź siabraŭ AHP. Čałaviek čatyry miesiacy žyŭ pad pahrozaj kryminalnaj adkaznaści.
3 traŭnia Kruhlanski sud spyniŭ kryminalnuju spravu suprać aktyvista Abjadnanaj hramadzianskaj partyi Alaksandra Bułaŭkina. Pa mierkavańni prakuratury, u spravie adsutničaje skład złačynstva.
Kryminalnuju spravu na Alaksandra Bułaŭkina zaviali čatyry miesiacy tamu padčas vybaraŭ u miascovyja saviety. Pieršapačatkova jaho abvinavačvali ŭ parušeńni zakanadaŭstva ab vybarach, potym — u padrobcy dakumentaŭ.
Śledztva sprabavała dakazać, što ŭ pratakole pasiedžańnia savietu AHP pa vyłučeńni jaho kandytam u deputaty Bułaŭkin padrabiŭ podpis adnaho ź siabraŭ AHP. Praviedzienaja ekspertyza nia vyjaviła padrobki. Da taho ž, pavodle pastanovy Plenuma Viarchoŭnaha Sudu, staršynia rajonnaj arhanizacyi AHP nie padpadaŭ ni pad adnu farmuloŭku słužbovaj asoby.
Pavodle Bułaŭkina, kali b adbyŭsia sud, to jaho b apraŭdali. Prajhrać praces dla prakuratury, vidavočna, mienš pažadana, čym spynić spravu.
Jak zajaŭlaje staršynia mahiloŭskaj abłasnoj arhanizacyi AHP Uładzimier Šancaŭ, u Biełarusi dziejničaje karnaja systema pravasudździa. Kali sprava zaviedzienaja, a da sudu nie dajšło, z pahonaŭ hublajecca zoračka. Tamu nievinavaty čałaviek čatyry miesiacy žyŭ pad pahrozaj kryminalnaj adkaznaści.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary