Kanstytucyjny sud prapanavaŭ kiraŭnictvu mienskaha HC «Karona» vykarystoŭvać biełaruskuju movu razam z rasiejskaj u afarmleńni pradpryjemstva i infarmavańni pakupnikoŭ
Kanstytucyjny sud prapanavaŭ kiraŭnictvu minskaha handlovaha centra «Karona» (filijała TAA «Tytuń‑inviest») vykarystoŭvać biełaruskuju movu razam z ruskaj u afarmleńni pradpryjemstva i infarmavańni hramadzian. Pra heta havorycca ŭ adkazie namieśnika staršyni Kanstytucyjnaha suda Alaksandra Maryskina na zvarot staršyni hramadskaha abjadnańnia «Tavarystva biełaruskaj movy imia Franciška Skaryny» Aleha Trusava ŭ suviazi ź niežadańniem kiraŭnictva centra «Karona» vykarystoŭvać biełaruskuju movu ŭ afarmleńni pradpryjemstva.
«Supracoŭniki centra pavinny vałodać biełaruskaj movaj u abjomie, nieabchodnym dla vykanańnia svaich słužbovych abaviazkaŭ, infarmavańnia naviedvalnikaŭ centra ab tavarach i pasłuhach», — havorycca ŭ adkazie KS. Pavodle słoŭ A.Maryskina, Kanstytucyjny sud nakiravaŭ adpaviedny list kiraŭnictvu centra «Karona» z prapanovaj «pa mahčymaści vykarystoŭvać biełaruskuju movu razam z ruskaj, zabiaśpiečvajučy faktyčnaje dvuchmoŭje na praktycy».
U intervju BiełaPAN A.Trusaŭ zaznačyŭ, što udziačny Kanstytucyjnamu sudu, jaki, pavodle jaho słoŭ, «niefarmalna pastaviŭsia» da zvarotu kiraŭnictva TBM. «Bo ŭ svoj čas Kanstytucyjny sud zaznačaŭ, što zakon ab movach u redakcyi, pryniataj u 1998 hodzie Pałataj pradstaŭnikoŭ Nacyjanalnaha schodu, supiarečyć Kanstytucyi krainy. I hetaja kalizija zachoŭvajecca dahetul. Adnak, jak u luboj narmalnaj jeŭrapiejskaj krainie, zakon ab movach pavinien adpaviadać, pierš za ŭsio, intaresam spažyŭca, a nie kiraŭnictva handlovaha pradpryjemstva», — skazaŭ A.Trusaŭ. Jon vykazaŭ spadziavańnie, što z dapamohaj Kanstytucyjnaha suda dziaržaŭnaja biełaruskaja mova zojmie naležnaje miesca ŭ handlovym centry «Karona».
Nahadajem, spačatku TBM źviartałasia da kiraŭnika handlovym centram «Karona» Valeryja Pałynkova. U adkazie apošniaha było zaznačana, što kiraŭnictva pradpryjemstva vybrała ruskuju movu «dla vizualnaha afarmleńnia handlovaha centra «Karona» i pradastaŭleńnia hramadzianam infarmacyi ab tavarach i pasłuhach z metaj stvareńnia spažyŭcam maksimalna zručnaha ažyćciaŭleńnia pakupak». Atrymaŭšy hety adkaz, TBM źviarnułasia 12 krasavika ŭ KS.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ38
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary