Adziny kandydat
Pra toje, jak vyłučać svajho adzinaha kandydata na vybarach prezydenta krainy, damaŭlalisia ŭ minuły čaćvier čalcy Kaardynacyjnaj rady demakratyčnych siłaŭ.
Užo viadoma, što hetym kandydatam nia budzie Mikoła Statkievič, bo jon parušyŭ rašeńnie Kanhresu demakratyčnych siłaŭ i ŭdzielničaŭ u vybarach u pałatu, a ciapier budzie ŭdzielničać jašče i ŭ paŭtornych vybarach. Jak skazaŭ nam staršynia BNF Vincuk Viačorka, “heta vielmi baluča bje pa stratehičnaj linii niepryznańnia pieravarotu 1996 hodu”.
Niečarhovy źjezd BSDP vyklučyŭ na minułym tydni Alaksieja Karala z partyi. U adkaz na heta salihorskija sacyjał-demakraty zapatrabavali vyklučeńnia samoha M.Statkieviča.
Kaho vyłučyć svaim adzinym kandydatam KRDS – pakul nieviadoma. “My pastanavili, kab da siaredziny śniežnia subjekty KRDS pryjšli z persanalnymi prapanovami, i damovilisia, što Kanhres demakratyčnych siłaŭ pavinien być asnoŭnym mechanizmam prapanavańnia hramadztvu adzinaha kadydata”, — skazaŭ sp. Viačorka.
Sa słovaŭ Alaksieja Karala, na hety momant razhladajucca dva varyjanty abrańnia adnoj kandydatury: papiarednija vybary nasielnictvam adzinaha kandydata ad demsiłaŭ z dvuch-troch prapanavanych (“prajmeryz”) albo rejtynhavaje hałasavańnie subjektaŭ KRDS. Spadar Viačorka ličyć, što bolš prymalnym budzie druhi varyjant, bo času na “prajmeryz” moža prosta nia być.
Krytery adboru kandydata nastupnyja: jon musić stajać na pazycyjach suverenitetu Biełarusi, demakratyzacyi hramadztva i roŭnaha pieraraźmierkavańnia paŭnamoctvaŭ pamiž usimi halinami ŭłady. Admietna, što hałoŭny kryter, jaki dapamoh serbam vyłučyć Kaštunicu — “adsutnaść admoŭnaha rejtynhu” — u našych apazycyjaneraŭ istotnym nia budzie z-za “małoj viadomaści biełaruskich demakrataŭ”. Asnoŭnaj budzie mahčymaść raskrutki taho ci inšaha kandydata.
Jak paviedamiŭ nam Anatol Labiedźka, čakajecca, što 15 śniežnia KRDS prymie “Memarandum ab pryncypach dziejnaści demakratyčnaj apazycyi ŭ peryjad padrychtoŭki da prezydenckich vybaraŭ”, u jakim zacikaŭlenym partyjam i arhanizacyjam budzie prapanavana dałučacca da inicyjatyvy demakratyčnych siłaŭ, adnak hałoŭnyja rašeńni ŭsio ž budzie prymać KRDS i Kanhres, i nijakich papiarednich kansultacyjaŭ pa kandydaturach z kamunistami abo z kim inšym nie čakajecca.
Andruś Biełavoki
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary