Prync ci pryncesa
Usie dumki maje zbrodzilisia nad trapnym vyrazam “čakać prynca”. Kaliści trapny, ramantyčny, mažliva, mocny, siońnia jon chutčej vyhladaje staramodnym, nastalhičnym dla niekatorych. I čamuści nichto nie zaŭvažaje, što adnačasova hety vyraz – tatalitarny, jak bieźlič inšych zvykłych i “biaskryŭdnych” vyrazaŭ našaj movy.
Tradycyjna ci klasyčna “čakać prynca” moža, maje prava tolki asoba žanočaha połu, bo miarkujecca, što mužčyna, zaŭsiody ź inšaha boku, ź inšaje duchovaje prastory, pavinien źjavicca na kani, u žoŭtaj nakidcy, čornych palčatkach i sapraŭdnych skuranych najeźnickich botach. A što, kali mužčyna pažadaje čakać svaju pryncesu, svajho prynca? Ci hetaha nie ŭjavić u biełaruskim (“partyzanskim”, “veteranskim”) kulturnym kantekście? Ale ž psycholahi, sacyjolahi śćviardžajuć, što apošnim časam źjaŭlajecca ŭsio bolš strymanych i niekamunikabelnych mužčynaŭ. Medyki bjuć u zvany ŭ źviazku z pavieličeńniem alkaholnych zachvorvańniaŭ, hałoŭnym čynam siarod mužčynskaha nasielnictva. Niedzie zhubiŭ biełaruski mužčyna ŭsio pryncava pryčyndalle.
Kali ž novyja pavodziny mužčyn i žančyn kanstatujucca šmatlikimi sacyjalnymi daśledavańniami, kali novyja kaštoŭnaści paŭstajuć u sučasnych hramadztvach, čamu mova — lusterka źmienaŭ — zastajecca niaźmiennaju i praciahvaje adlustroŭvać kompleksy našych prodkaŭ, ich kanservatyŭnyja madeli adnosinaŭ? Ci vyraz “čakać pryncesu” dla hieteraseksualnych mužčynaŭ vyhladaje nadta homaseksualna j abražaje mužčynskuju hodnaść?
Kali ž biełaruskija intelektuały (piśmieńnicy, piśmieńniki, linhvisty, sacyjolahi, palitolahi) źviernucca da sučasnych sacyjalnych prablemaŭ Biełarusi, kali ž jany na čas zabuducca na temu vajny j historyi? Miljony mužčynaŭ, jakija “čakajuć” i jakija nie hatovyja adpaviadać klasyčnym stereaptypam, jakraz mohuć stać novaj temaj dla daśledavańniaŭ našych erudytaŭ.
Uładzik Harbacki,
Strasburh
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva3
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary