Prezydent — 2001

 Prezydent — 2001

Ułasnyja vočy pilniej za ŭsim sočać

Hramadzkija arhanizacyi stvaryli sietku naziralnikaŭ za vybarami

U Asamblei niaŭradavych arhanizacyjaŭ 14 sakavika była prezentavanaja novaja hramadzianskaja inicyjatyva — “Niezaležny pohlad”. Jejnaja hałoŭnaja zadača — stvareńnie “niezaležnaj niepartyjnaj systemy nazirańnia za vybarami”. Niedziaržaŭnyja arhanizacyi źbirajucca padrychtavać 10 tysiačaŭ naziralnikaŭ. Jašče 4 tysiačy rychtuje Kaardynacyjnaja Rada pa nazirańni za vybarami, jakuju ŭznačalvaje Miečysłaŭ Hryb.

Na minułym tydni “Niezaležny pohlad” raspačaŭ manitorynh sytuacyi vakoł praviadzieńnia vybaraŭ. Jahony Centralny “štab” mieścicca ŭ siadzibie TBM. Achvotnyja stać naziralnikami mohuć źviartacca pa telefonach u Miensku:

213-43-52, 231-08-44 (“Niezaležny pohlad” Asamblei NDA),

252-03-72 (Kaardynacyjnaja Rada pa nazirańni za vybarami M.Hryba).

T.S.

mierkavańnie eksperta

Jak vy aceńvajecie chod pieradvybarnaje kampanii na minułym tydni?

Vacłaŭ Areška, historyk kultury:

Realna mohuć być tolki dva kandydaty — ad “zaležnickaje” j “niezaležnickaje” partyi.

Z adnaho boku heta Łukašenka, ź inšaha — jak by tam ni abmiarkoŭvali — usio adno budzie Domaš. Usie astatnija kandydaty — “ad łukavaha”. Što datyčyć Domaša, jon vielmi strymana j pastupova viadzie kampaniju infarmavańnia hramadztva pra svaju asobu. Heta pravilna, bo najbolšaja niebiaśpieka dla Domaša siońnia — adsutnaść infarmacyi pra jaho. Navat łukašenkaŭskaja prapahanda asabliva da Domaša nie čaplajecca, bo antykampanija — taja samaja kampanija. Tamu Łukašenka raskručvaje svaich umoŭnych apanentaŭ — Hančara, Hančaryka, Kazłoŭskaha, zaraz voś vyskačyŭ Sinicyn. Usio heta kandydaty Łukašenki, jak by jany ni nazyvalisia, jak by ni dumali sami pra siabie. Ich raskručvajuć tolki dla taho, kab razmazać elektaralnaje pole. Za apošni tydzień samaju cikavaju padziejaj było vyskokvańnie Sinicyna. Jon adrazu vystaviŭ kuču prapanovaŭ, jakija, na pieršy pohlad, vyhladajuć vielmi prystojna j demakratyčna, ale, kali ich pačytaješ uvažliva, robicca zrazumieła, što heta čystaja pravakacyja — za sinicynskimi zajavami nie staić ničoha kankretnaha, akramia prapanovy pravieści vybary 15 lipienia, u razhar dačna-vakacyjnaha sezonu. Kali kazać pra budučyniu, cikavaju j važnaju padziejaj moža stacca abjava pra ŭdzieł Paźniaka ŭ vybarach. Heta było b słušnaje rašeńnie. Kampanija Zianona budzie, jasnaja reč, biespaśpiachovaju, ale zmoža zadać maralnuju płanku vybaram. Budzie dobra, kali niechta budzie sprabavać kazać praŭdu, a nia tolki abiacać. KRDS pavinna taksama zrabić mocny krok, bo kali da kanca sakavika jana nia vyznačycca z adzinym kandydatam, dyk kančatkova pieratvorycca ŭ anekdatyčnuju arhanizacyju.