Pryvatnyja pradprymalniki i nievialikija firmy mohuć atrymać kredyt Eŭrapiejskaha banku rekanstrukcyi i raźvićcia pad razhortvańnie svajoj spravy. Bolš za 70% tych, chto sabraŭ usie patrebnyja papiery, atrymlivajuć hrošy. Prahrama nabiraje tempy: niadaŭna “Biełhazprambank” vydaŭ soty mikrakredyt — 5 tys. dalaraŭ. Čałaviek na hetyja hrošy kupiŭ mikraaŭtobus i ciapier vozić ludziej pa maršrucie “Kamvolny kambinat — płošča Jakuba Kołasa”.

Dziela taho kab zarablać dobryja hrošy na hodnaje žyćcio, patrebnyja, u pieršyja čarhu… hrošy — startavy kapitał. Adna z mahčymaściaŭ raspačać svaju spravu, kali jaho niama, — uziać kredyt. Raniej heta mahli rabić tolki firmy, jakija tryvała stajać na nahach i majuć dastatkova srodkaŭ, kab zabiaśpiečyć zakład dy vypłačvać vialikija pracenty. Ciapier atrymać kredyt moža navat niebahaty pryvatny pradprymalnik.

U 2001 h. Eŭrapiejski bank rekanstrukcyi j raźvićcia (EBRR) raspačaŭ u Biełarusi prahramu mikrakredytavańnia. Jaje sens u tym, kab davać kredyty pryvatnym pradprymalnikam ci nievialikim firmam pad małyja pracenty. Čystaj dabračynnaściu heta nazvać nielha: vypłaty pa pracentach nievialikija, ale pradprymalnikaŭ šmat i budzie jašče bolej, kali jany daviedajucca pra mahčymaść kredytavańnia. Ale źviartacca pa kredyt naŭprost u pradstaŭnictva EBRR nia varta: hrošy vydajucca praz dva inšyja banki — “Pryjorbank” dy “Biełhazprambank”.

Umovy ŭ abodvuch bankach prykładna adnolkavyja: u kredyt možna ŭziać da 10 tys. dalaraŭ na termin ad 1 da 18 miesiacaŭ. Suma zakładu vyličvajecca lohka: suma kredytu plus pracenty — 14—17% hadavych. Atrymać kredyt možna hatoŭkaj ci na rachunak, addavać — taksama. Nievialikaja firma (pryvatnych pradprymalnikaŭ heta, na žal, nie datyčyć) vyzvalajecca ad mytnych padatkaŭ dy padatku na dadanuju vartaść, kali maje nabyvać patrebnuju syravinu ci abstalavańnie za miažoj.

Prahrama nabiraje tempy: niadaŭna “Biełhazprambank” vydaŭ soty mikrakredyt — 5 tys. dalaraŭ. Čałaviek na hetyja hrošy kupiŭ mikraaŭtobus i ciapier vozić ludziej pa maršrucie “Kamvolny kambinat — płošča Jakuba Kołasa”.

Bolš za 70% tych, chto sabraŭ usie patrebnyja papiery, atrymlivajuć hrošy. Mnohija z tych, chto kredytu nie atrymaŭ, źviartajucca potym pa mienšuju sumu.

Sabrać patrebnyja dakumenty składaniej, čym atrymać pa ich kredyt. Kali ž vy pakul i nie zarehistravany jak pradprymalnik, rychtujciesia da sapraŭdnaj biurakratyčnaj epapei. Kali ž dakumenty ŭ paradku, praz dva tydni bank paviedamić pra svajo rašeńnie. Jašče tydni try zojmie adkryćcio pazykovaha rachunku dy afarmleńnie dakumentaŭ na majomaść, jakaja pojdzie ŭ zakład.

Najlepšy zakład — heta aŭto, nie starejšaje za 10 hadoŭ. Potym idzie abstalavańnie, nieruchomaść. Adnak kvateru ŭ Vas nia voźmuć: banki nia majuć prava vysialać žycharoŭ, navat kali jany nie spłacili pazyki. Možna taksama ŭnieści zakład u valucie. Kali niama ničoha, paručycielem moža zrabicca inšy pradprymalnik ci firma. Praŭda, u takim vypadku dakumentaŭ treba afarmlać našmat bolš.

Padobnuju prahramu mikrakredytavańnia chutka raspačnie j jašče adna arhanizacyja — Prahrama raźvićcia AAN (PRAAN). Jana ŭžo davała mikrakredyty biełaruskim pradprymalnikam i navat planavała adčynić biznes-inkubatar, dzie novanarodžanyja firmy mahli b raźvivacca na lhotnych umovach. Ale tyja prahramy pierapynilisia, dyj davodziłasia čuć skarhi na zališniuju zabiurakratyzavanaść: maŭlaŭ, atrymlivaješ kredyt, a potym uvieś čas idzie na źviazanyja ź im spravazdačy. Ciapier PRAAN raspačynaje niešta novaje. Voś i pahladzim, dzie vyhadniej.

Aleś Kudrycki

Prykładny śpis dakumentaŭ, patrebnych dla atrymańnia mikrakredytu ŭ banku:

1. zajava na atrymańnie kredytu

2. kopija pašpartu

3. kniha ŭliku vydatkaŭ i prybytkaŭ

4. kniha ŭliku asnoŭnych srodkaŭ

5. vypiski z bankaŭskich rachunkaŭ

6. biznes-plan

7. kopija paśviedčańnia pra rehistracyju pryvatnaha pradprymalnika

8. kopii licenzijaŭ na dziejnaść (kali patrebnyja)

9. pieralik majomaści, jakaja pojdzie ŭ zakład, a taksama dakumenty na jaje